POPULÆRE: Steinar Engelbrektson Band kjem til dansegallaen i Tysneshallen i august. Her frå ein utekonsert i Seljord i fjor sommar.
POPULÆRE: Steinar Engelbrektson Band kjem til dansegallaen i Tysneshallen i august. Her frå ein utekonsert i Seljord i fjor sommar.

Steinar Engelbrektson til dansegalla på Tysnes

Steinar Engelbrektson Band er populære på dei store dansefestivalane i Seljord og Sel. Snart kjem dei til Tysnes på ny.
Publisert 05.08.2018 kl. 15.00. Oppdatert kl. 16.05.

Det lokale bandet Bris, med medlemer frå Fusa og Bergen, er og eit populært danseband i Tysneshallen.

Laurdag 18. august er det desse to banda som står på scenen under den årlege dansegallaen på Tysnes.

– Me har fått tips om at Steinar Engelbrektson er eit populært band som trekkjer mange danseglade. I tillegg er Bris «ein bankers» på dansane våre. No håpar me dei to banda vil trekkja mange til Tysnes, seier Lars Petter Epland i Tysnes musikklag, som er arrangør for dansefesten, med eigen bubilparkering like utanfor hallen.

Epland lovar non-stop-dansemusikk frå klokka åtte om kvelden til klokka to om natta.

Og ikkje berre blir det dansemusikk. Musikklaget har tidlegare investert i støydempande tepper på veggene, for at kvelden også skal vera ein treffstad for tilreisande i bubilar, hytteturistar og fastbuande.

– Ja, me håpar verkeleg mange kjem, seier Epland, og legg til i ein munter undertone: «slik at det blir ny dansegalla også neste år».

Laget treng nemleg gode tilbakemeldingar for at dei skal halda fram med arrangementet.

– Alt har si tid. Me vurderer kvart år om dette blir siste gongen. Men er oppslutnaden god, prøver me kanskje endå eit år. I så fall blir det ny dansefest tredje helga i august i 2019.


Siste saker Gå til framsida

Leiar: Lokale stadnamn handlar om identiteten vår

Det var ein grundig og til dels heftig debatt då Tysnes kommune for nokre år sidan skulle handsama saka om stadnamn og vegadresser. I kommunestyret vart det stort fleirtal for å nytta o-endingar i lokale stadnamn. Det vart ikkje godt motteke hjå Statens Kartverk. Kartverket krov at lokale stadnamn som Årbakkaheio, Skåte, Eiabrekko og Skåravågen vart endra til Årbakkaheia, Skotet,...