SÅTETRIM: Ragnhild, Vidar og Olav Storesætre var dei fyrste som vart registrert på toppen søndag. (Alle foto: Aksel Lunde)
SÅTETRIM: Ragnhild, Vidar og Olav Storesætre var dei fyrste som vart registrert på toppen søndag. (Alle foto: Aksel Lunde)

Såtetrim for 29. gong

120 personar kom seg til Tysnessåto søndag.
Publisert 06.08.2018 kl. 16.02.

– Det var ein flott tur. Folk koste seg og det var god stemning på toppen.

Slik summerar Aksel Lunde opp årets Såtetrim. Han er primus motor for trimturen som årleg vert arrangert av Lunde idrettslag.

Såtetrimmen vart søndag arrangert for 29. gong. Sjølv i litt grått vêr, tok mange turen til Tysnessåto.

– Det vart 120 deltakarar med i år, fortel Lunde.

Han var godt nøgd med gjennomføringa av turen.

– Det var brukande turvêr og brukande frammøte. Kor mange som stiller opp, plar vera ganske avhengig av vêret. Det var over 400 deltakarar eitt år. Det har også vore under 50 deltakarar tidlegare.

Dei siste åra har Såtetrimmen vore prega av nedbør, men søndag heldt regnet seg unna.

– Det er fyrste gong på mine tre år som arrangør at eg ikkje har vorte gjennomblaut etter turen, seier Lunde.

Såtetrimmen kunne i år skimta med eit stort sprik i alder på deltakarane.

– Den eldste var 81 år, den yngste var 6,5 månadar gamal, seier Lunde.

På toppen vart det som vanleg servert rømmegraut og saft.

– Me bar opp 34 liter graut og 20 liter saft. Alt vart ete opp, avsluttar Lunde.




UNG TURGÅAR: 6,5 månadar gamal Johanna Daltveit Økland var den yngste deltakaren søndag. Her med far Eivind Økland.
UNG TURGÅAR: 6,5 månadar gamal Johanna Daltveit Økland var den yngste deltakaren søndag. Her med far Eivind Økland.
SÅTETRIM: 120 personar deltok på Såtetrimmen søndag.
SÅTETRIM: 120 personar deltok på Såtetrimmen søndag.
ALLE ALDRAR: Denne gjengen koste seg foran matteltet.
ALLE ALDRAR: Denne gjengen koste seg foran matteltet.

Siste saker Gå til framsida

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...