OPPHEVA: No kan innbyggjarane i Lunde igjen vatna hagane sine som normalt, fortel Per Ingolf Økland i Lunde Vasslag. (Arkivfoto: Vetle Mikkelsen)
OPPHEVA: No kan innbyggjarane i Lunde igjen vatna hagane sine som normalt, fortel Per Ingolf Økland i Lunde Vasslag. (Arkivfoto: Vetle Mikkelsen)

Vatningsforboda i Lunde og Tysnesbygdo er oppheva

For ei snau veke sidan, kunne ein lesa at vatningsforbodet i Lunde hadde hatt den ønskte effekten. No er forbodet oppheva.
Publisert 07.08.2018 kl. 11.30. Oppdatert kl. 13.04.

– Forbodet er oppheva. Det har kome såpass mykje nedbør, at no er det lov med normal vatning igjen, seier Per Ingolf Økland i Lunde Vasslag.

Vatningsforbodet blei iverksett 17. juli, og har vart fram til i dag.

Førre onsdag kunne Lunde Vasslag fortelja at vatningsforbodet hadde hatt den ønskte effekten, og no er altså forbodet historie.


Magasina er på topp

Økland trekkjer fram både nedbøren og nedgangen i vassforbruket i Lunde, som grunnar til at magasina i Vevatnet no er velfylte.

– No er det ikkje noko problem å fylla opp om natta. Magasina er på topp, avsluttar Økland.


Reknar med nok vatn

Også i Tysnesbygdo er vatningsforbodet no oppheva.

– Nivået i Vågstjødna var på det lågaset 140cm under normalt nivå. No er det sakte stigande, og vervarselet ber bod om litt meir regn frametter, skriv Tysnes Vassverk på Facebook.


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.