TYSNESINGANE: Maren, Mia og Heine samla på skytearenaen i Stjørdal.
TYSNESINGANE: Maren, Mia og Heine samla på skytearenaen i Stjørdal.

Snarvisitt i Stjørdal

Ingen av dei gjekk feltrunden, og resultata på baneskytinga var så som så. Men Landsskyttarstemnet vil dei helst ha med seg, sjølv om det denne gongen vart eit heller kort opphald i Stjørdal.
Publisert 09.08.2018 kl. 14.00.

Tvillingane Maren og Mia Jensen Nes var i aksjon grytidleg sundag morgon.

– Me hadde vekkjarklokka på seks. Det er veldig tidleg, sjølv for skyttarar som er van med å dra på stemner i helgene. Maren var aller først ut.

– Eg starta ikkje så aller verst på dei 15 første skota, men så blei eg litt lurt av prøveskota i forkant av den siste ti-skoten. Trudde eg låg litt høgt i skiva, og skrudde nokre knepp. Det skulle eg aldri ha gjort, seier Maren, og innrømmer gjerne at ho der og då var rimeleg lei av heile skytinga.– 242 poeng var eit godt stykke under det eg har gjort tidlegare, fortel jenta som har ein pers på 349 poeng på 35 skot.


Litt nervøs

Mia var neste ut, og ho kjende at det ikkje nett var noko lagsmeisterskap ho var med på.

– Eg var meir nervøs enn vanleg. 244 var eit resultat midt på treet for meg. Det kunne sikkert gått betre, men det kunne definitivt vorte verre også, slår Mia fast.

Dermed var den sportslege biten av årets LS over for tvillingjentene. No var det berre å venta på at pappa Heine skulle i aksjon i klasse 5, seint tysdag ettermiddag.

– Me har eit problem, og det er at konemor skal vera på jobb i barnehagen i Våge på torsdag. Om eg skulle kvalifisera meg for finaleskytinga på onsdag, må me berre senda Birgit på eit fly sørover, forklarar Heine. To dagar seinare viser det seg at dei ikkje treng tenkja på noko plan B.


Under pari

– Det var ikkje mykje å skriva heim om. 336 poeng var direkte svakt. No er det berre å springa i bilen, hekta på campingvogna og starta på den lange vegen heim. Det blir nok ei overnatting på halvvegen, seier klasse 5-skyttaren som har skote 244 nokre gonger i år.

Målet til Heine før skytinga var 241, då han rekna med at det ville vera finalegrensa. No viste det seg at han hadde kome til finale med 239. Men også det var altså tre poeng for mykje.


Kjekk tur

Under opphaldet i Trøndelag budde den vesle Tysnes-kontingenten saman med gjengen frå Kvinnherad skyttarlag. Dei hadde leigd seg inn på eit gartneri/planteskule, der det var brakker, hus og god plass for vogner og bubilar. I kort avstand til skytearenaen.

– Det var kjekt. Ikkje minst for jentene. Dei kjenner etter kvart ein del av skyttarane i naboklubbane. Ikkje minst etter at dei har vore med på turar i regi av Sunnhordland skyttarsamlag til Numedal kvar haust.

– Dei fellesturane er noko av det kjekkaste me gjer heile året, skryt jentene.


Framtidshåp

For Heine har det siste året handla veldig mykje om å få opp den nye miniatyrskytebana.

– Det er sjølvsagt ikkje bra at det berre er tre skyttarar frå Tysnes på LS. Men no står iallfall det nye innandørsanlegget klart, og me både håpar og trur på storinnrykk av ungdomar til vinteren. Forhåpentleg klarar me å byggja opp eit større skytemiljø i åra som kjem, seier Tysnes skyttarlag sin einaste klasse 5-skyttar.


MIDT PÅ TREET: Mia Jensen Nes skaut 244 poeng på baneskytinga under LS. Eit resultat sånn midt på treet.
– Det kunne lett gått verre.
MIDT PÅ TREET: Mia Jensen Nes skaut 244 poeng på baneskytinga under LS. Eit resultat sånn midt på treet. – Det kunne lett gått verre.
IKKJE NØGD: – Dette var ikkje mykje å skrive heim om, sukkar Heine Nes. Baneskytinga er unnagjort og betalinga blei 236 poeng.
– Hadde håpa på 241, men dette var rett og slett ikkje godt nok. Eg får revansjera meg til neste år.
IKKJE NØGD: – Dette var ikkje mykje å skrive heim om, sukkar Heine Nes. Baneskytinga er unnagjort og betalinga blei 236 poeng. – Hadde håpa på 241, men dette var rett og slett ikkje godt nok. Eg får revansjera meg til neste år.
GODT MILJØ: Familien Jensen Nes budde saman med Kvinnherad skyttarlag under det litt korte LS-opphaldet. Her sit dei kring bordet og snakkar med leiaren i Sunnhordland skyttarsamlag, Ole Bennæs.
GODT MILJØ: Familien Jensen Nes budde saman med Kvinnherad skyttarlag under det litt korte LS-opphaldet. Her sit dei kring bordet og snakkar med leiaren i Sunnhordland skyttarsamlag, Ole Bennæs.

Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.