PADLING: Knut Benjamin Dalland og Kaja Sælen Kongsvik prøvde seg i kano med instruktør Arvid Gaugstad.
PADLING: Knut Benjamin Dalland og Kaja Sælen Kongsvik prøvde seg i kano med instruktør Arvid Gaugstad.

– Det var kjekt å prøva seg i kano

50 barn kosa seg med kano og ferskvassfiske ved Flatråkervatnet tysdag.
Publisert 10.08.2018 kl. 06.00.

– Me fekk napp, men fisken kom seg laus frå kroken, fortel Ronja Dalland.

Ho og Hannah Sophie Vietheer er to av 50 barn som er med på aktivitetsleir i regi av SvingenPuls denne veka. Dei prøvde fiskelukka frå kano på Flatråkervatnet tysdag, og fekk nesten fangst.– Eg såg fisken så vidt i djupet, seier Hannah Sophie.


Fekk prøva kano

Tysdag var det utflukt til Kåstad som stod på programmet til aktivitetsleiren. Ved Flatråkervatnet fekk barna prøvd seg på litt av kvart.

– Eg har aldri prøvd kano før, så det var kjekt, seier Hannah Sophie.

Saman med Ronja har ho nettopp vore ute på vatnet, ledsaga av instruktør Theodor Meland.

– Eg har padla i kano ein gong tidlegare, men det er ganske lenge sidan, fortel Ronja.

Dagen ved Flatråkervatnet kom i stand ved hjelp av Tysnes jakt- og fiskelag.

– Me forhøyrde oss blant foreldra om tips til aktivitetar. Bjarte Erstad i jakt- og fiskelaget foreslo at me kunne dra hit, fortel Marthe G. Birkeland, dagleg leiar i SvingenPuls, og arrangør for aktivitetsleiren.


Prøvde fiskelukka

Når barna var komne i kanoane, og fekk padla ut på vatnet, starta jakta på storfisken. Ryktane gjekk om at det var store gjedder i området, og at dei kunne bita.

– Viss me hadde dratt ei gjedde opp i båten, hadde eg nok skrike, seier Ronja.

Journalisten vart sjølv nysgjerrig på kor store fiskar ein kunne trekkja opp frå vatnet, og spurte Bjarte Erstad.

– Det er ein del gjedder i vatnet, dei største er kanskje to-tre kilo, fortel leiaren i Tysnes jakt- og fiskelag.

Nokon prøvde også å fiska frå land, men det vart dessverre ingen fangst denne dagen.

Erstad synest likevel det er flott at barna får prøva seg på ferskvassfiske.

– Det er mange her som aldri har fiska i ein innsjø før. Eg synest det er skøy å læra vekk det eg kan, fortel Erstad, som skryt av moglegheitane på Tysnes.

– Sidan me bur på ei øy, så er det naturleg at ein fiskar i havet, men det er veldig mange flotte fiskevatn på øya.


Tilbod før skulestart

– Det er fjerde året på rad at me arrangerer aktivitetsleir, fortel Birkeland.

Leiren varer frå mandag til fredag siste veka før skulestart, med program frå 09.00 til 15.00 kvar dag.

– Me har plass til 50 barn, og i år er me fylt heilt opp, fortel ho.

Aktivitetsleiren er eit kjærkome tilbod i ei veke der mange foreldre er tilbake i arbeid etter fellesferien, og barnepass kan vera ei utfordring.

– I tillegg får me aktivisert ungane litt etter ein lang sommarferie, seier Birkeland.


Variert program

Arrangørane har laga eit variert og spanande program for barna.

Måndag var det bowling, ballspel og bading på Gjerstad. Tysdag var det aktivitetar ved Flatråkervatnet, medan det på onsdag venta ein ekstra spesiell godbit.

– Me har aldri vore utanfor kommunegrensene før, seier Birkeland.

Onsdag gjekk turen til Stord, med turn, friidrett og skating på programmet.

Torsdag vert det tur til Gjerstadstølen, og på fredag skal det etter planen vera ulike aktivitetar på Solstråleøya.

– Me prøver å få til eit variert program. Alt treff ikkje alle, men mange får prøva seg på nye aktivitetar, fortel Birkeland.





NESTEN FANGST: Ronja Dalland (t.v.) og Hannah Sophie Vietheer (midten) fekk napp, men fisken slapp kroken. Nora Sofie Veenstra (t.h.) var med som instruktør.
NESTEN FANGST: Ronja Dalland (t.v.) og Hannah Sophie Vietheer (midten) fekk napp, men fisken slapp kroken. Nora Sofie Veenstra (t.h.) var med som instruktør.
FLATRÅKERVATNET: Tre kanoar var tilgjengelege for barna.
FLATRÅKERVATNET: Tre kanoar var tilgjengelege for barna.
KANOTUR: Vetle Belt, Kristina Langballe og Nora Sofie Veenstra fann vegen tilbake til land.
KANOTUR: Vetle Belt, Kristina Langballe og Nora Sofie Veenstra fann vegen tilbake til land.
FISKING: Henrik Storetvedt prøvde fiskelukka frå land, utan hell.
FISKING: Henrik Storetvedt prøvde fiskelukka frå land, utan hell.
KANOVENINNER: Ronja Dalland og Hannah Sophie Vietheer møttast på fyrste dagen av aktivitetsleiren måndag, og vart fort gode veninner.
KANOVENINNER: Ronja Dalland og Hannah Sophie Vietheer møttast på fyrste dagen av aktivitetsleiren måndag, og vart fort gode veninner.
UTSTYRSHJELP: Bjarte Erstad hjalp til med å ordna fiskestenger til barna.
UTSTYRSHJELP: Bjarte Erstad hjalp til med å ordna fiskestenger til barna.
STORD 1: Onsdag var gjengen på Stord, og fekk mellom anna prøva turning. (Foto: Marthe G. Birkeland)
STORD 1: Onsdag var gjengen på Stord, og fekk mellom anna prøva turning. (Foto: Marthe G. Birkeland)
STORD 2: Ein tur i skateparken stod også på programmet på Stord onsdag. (Foto: Marthe G. Birkeland)
STORD 2: Ein tur i skateparken stod også på programmet på Stord onsdag. (Foto: Marthe G. Birkeland)

Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...