KRAFT: Slik ser forslaget til Kolbjørn Tvedt ut. (Foto: Skjermdump)
KRAFT: Slik ser forslaget til Kolbjørn Tvedt ut. (Foto: Skjermdump)

Tysnesing sende inn forslag til fylkesvåpen

Det har kome inn 667 forslag til nytt fylkesvåpen for Vestland, det nye fylket som omfattar delar av regionen Vestlandet.
Publisert 10.08.2018 kl. 12.00.

Eit av forslaga kjem frå tysnesing Kolbjørn Tvedt. Det presenterer eit kvitt fossefall og ein kvit turbin på blå bakgrunn.

– Dette er korkje flora, natur eller soge. Det er berre ein idé eg fekk då eg såg utlysinga i denne konkurransen, skriv Tvedt i skildringa av motivet.

Han skriv vidare at kraft er fellesnemnaren for dei to fylka, og at ein ikkje treng vera teknisk interessert for å skjønna symbolikken i fossen og turbinen.

Framover skal ein folkejury og ein fagjury velja ut ti favorittbidrag kvar.

Dei 20 finalistane blir lagt ut til nettrøysting i slutten av august, og vinnaren stikk av med 25.000 kroner. Dei 19 resterande finalistane får 2.000 kvar.


Siste saker Gå til framsida

Leiar: Lokale stadnamn handlar om identiteten vår

Det var ein grundig og til dels heftig debatt då Tysnes kommune for nokre år sidan skulle handsama saka om stadnamn og vegadresser. I kommunestyret vart det stort fleirtal for å nytta o-endingar i lokale stadnamn. Det vart ikkje godt motteke hjå Statens Kartverk. Kartverket krov at lokale stadnamn som Årbakkaheio, Skåte, Eiabrekko og Skåravågen vart endra til Årbakkaheia, Skotet,...