POPULÆR BÅTBYGGJEDAG: Borna bygde mange fine båtar. (Foto: Terje Øen)
POPULÆR BÅTBYGGJEDAG: Borna bygde mange fine båtar. (Foto: Terje Øen)

Inviterer til ny båtbyggjedag i Ølve

Kulturnemnda i Ølve bygdelag vonar å gjenta suksessen frå i fjor.
Publisert 15.08.2018 kl. 06.00.

På den fyrste båtbyggjedagen som vart arrangert på skipsbyggjeplassen Øyra, på Nerhus i Ølve, kom det 120 personar. Arrangøren freistar nok å gjenta suksessen i år, når dei igjen skiper i stand til båtbyggjedag søndag 19. august, som ein del av programmet til Kystsogevekene.


Variert underhaldning

Temaet i år er Skottehandelen, og Vidar Ask skal halda føredrag.

– Han fortel om handel og kulturutveksling med vesterhavslanda på 1500- og 1600-talet. Dette er viktig historie for bygdene våre, skriv kulturnemnda i ei pressemelding.

Frå klokka eitt kan ein utforska dei gamle bygningane på staden, og sjå korleis smia, saga og skuret, og alle dei ulike verktøya, spelte ei viktig rolle i skipsbygginga. Ustillingar og bilete fortel om kvardagen til skipsbyggjarane, og det vert sal av mat i kafeen.

– Tysnes Kystlag vil på ny ta turen til Ølve med nokre av båtane sine, og kanskje kjem det også andre skuter til kai ved moloen. Og som i fjor vert det trekkspeltonar frå Tysnes og Ølve, opplyser kulturnemnda.


Bygging av små båtar

Men det er ikkje ein skikkeleg båtbyggjedag utan bygging av båtar. I fjor var det særs populært at dei minste fekk byggja seg små båtar, og viss ein gjekk glipp av det i fjor, eller berre vil prøva det på nytt, lyt ein ta turen til Ølve neste helg.

– Sjølvsagt vert det også i år båtbyggjeri for borna, med basseng der dei kan segla med dei nybygde skutene, skriv kulturnemnda i pressemeldinga.

To Nerhus-familiar bygde fartøy på skipsbyggjeplassen på Øyra i tre generasjonar, mellom 1850 og 1960. Hardangerjakta Mathilde er blant ein av dei meir kjende båtane som vart bygd på Øyra.

Parkering for arrangementet er ved Ølve kyrkje.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...