GULL: Pernilla Eugenie Epland sprang seg til gull søndag. (Foto: Monica D. Epland).
GULL: Pernilla Eugenie Epland sprang seg til gull søndag. (Foto: Monica D. Epland).

Sprang seg til gullmedalje: – Det var heilt fantastisk!

Søndag sprang Pernilla Eugenie Epland 10.000-meter. Det enda med ein solid førsteplass.
Publisert 19.08.2018 kl. 13.17. Oppdatert kl. 14.57.

– Det var litt som på fredag. Me var tre stykk som kjempa om medaljane i dag òg. Me bestemte oss for å samarbeida. 25 rundar er langt, så då er det greitt å byta på å dra, seier Pernilla Epland til «Tysnes».

Det låg an til eit spennande løp:

Etter 6.000 meter var dei tre blitt til to, og Pernilla leia.

– Ho som kom på nummer to prøvde å rykka fram då det var 500 meter igjen, men då svarte eg med å leggja inn eit ekstra gir, fortset Pernilla.

Ho sprang seg inn med tida 34,04,98 – og tok dermed førsteplass på 10.000-meter kvinner.

Bak følgte Maria Sagnes Wågan og Vienna Søyland Dahle, med tidene 34,10,11 og 34,57,00.

På fredag, då «Tysnes» sist snakka med Pernilla, hadde ho akkurat sprunge 5.000-meter. Då hamna ho på tredjeplass, og var lysten på revansje.

– Korleis føltest det å få tatt den revansjen etter fredag?

– Det var heilt fantastisk! Det var så deilig å koma over målstreken, og vita at i dag var eg best, seier ein fornøgd Pernilla til sist.


Siste saker Gå til framsida

Lesarbrev: Hugs valdagen den 9. september

Det er ei dårleg demokratisk innstilling å ikkje stemma ved eit val. Same om du er noko ueinig med dei ulike partia, så er det alltid eit parti det kan vera greitt å gje si stemme til. Me i Tysnes FrP meiner me har eit godt valprogram, som seier noko om det som må bli betre i Tysnes kommune.Tysnes FrP er svært opptatt av at det ikkje må bli reduksjon i talet på ferjeanløp til og frå...

Klar for kommunal praksis

Jon Agnar Leirvik skal det neste halve året bu og arbeida på Tysnes, som ein del av statsvitskapsutdanninga.