SOLID SCORING: Aksel Lande fyrer ballen leikent i mål, og set laget sitt i 2-0-leiing. (Alle foto: Camilla Korsnes)
SOLID SCORING: Aksel Lande fyrer ballen leikent i mål, og set laget sitt i 2-0-leiing. (Alle foto: Camilla Korsnes)

Starta haustsesongen med siger

Njardar tok tre poeng i lokaloppgjeret.
Publisert 20.08.2018 kl. 12.52. Oppdatert kl. 13.15.

– Det var veldig viktig at me fekk ein god start på hausten, fortel spelande trenar for Njardar/Tysnes sitt a-lag, Thomas Hagen.

Søndag tok serieleiarane frå Tysnes turen til Ølve for å kjempa om tre poeng mot Strand-Ulv. Etter kampen reiste Njardarherrane heim att med ein solid 5-1 siger, og med viktige poeng i bagasjen.

Medan Njardarherrane kjempar i toppen av avdelinga, har Strand-Ulv slite meir i vårsesongen, og gjekk inn i hausten med berre fire poeng på åtte kampar.


Fekk fyrste målet

– Me opnar kampen med nokre store sjansar, fortel Hagen.

Medan det endå står 0-0, har både Didrik Milde Thorbjørnsen og Børge Pedersen notert seg for store sjansar, men ein god Strand-Ulv keeper hindrar baklengs.

Også heimelaget har sine sjansar i fyrste halvdel av fyrste omgang.

Fyrst etter ein dryg halvtime kjem det mål på Ølve Idrettsanlegg. Veteranen Børge Pedersen får banka inn ballen etter ein corner.

– Når me fyrst får mål, roar me oss ned og får spelt på oss sjølvtillit, fortel den spelande trenaren.

Ketchup-effekten er sett i gang for Njardar, og to mål til renn inn før dommaren bles til pause.

– I andre omgang føler me at me har god kontroll på kampen, seier Hagen.

Sjølv om Strand-Ulv reduserer i det 62. minutt, vert ikkje dei gulkledde stressa. Fem minutt seinare set Roy Korsnes inn 4-1, og kampen er punktert.

Også toppscorar Didrik Milde Thorbjørnsen får notert seg på scoringslista søndag, når han set inn eit straffespark i siste speleminutt.


Har henta inn rutine

– Me har mista to unge spelarar til studier, fortel Hagen.

Dermed har Njardar-veteranane Fredrik Winther og Ronny Hagen vorte spurt om å verta ein del av stallen igjen i haustsesongen.

– Det er viktig at me har fått med Fredrik og Ronny så me held oppe breidda i laget.

Winther, som ikkje har spelt for Njardar sidan 2011, spelte 90 minutt på venstreback, medan Hagen, som gav seg i 2012, men har vore innom laget eit par gonger sidan, spelte dei siste 45 minutta søndag.

– Fredrik spelte 90 strålande minutt, og var kanskje «man of the match», fortel trenaren.


Kjempar om opprykk

Med siger i fyrste kamp for hausten, held Njardar seg på tabelltopp og opprykksplass. Samtidig gjekk tabelltoar Hasunds Hund på eit tap borte mot Gneist 3, og ligg no tre poeng bak Njardar/Tysnes.

Den største utfordraren ser ut til å vera Løv-Ham 2, som ligg fem poeng bak tysnesingane, men med to kampar mindre spelt.

Thomas Hagen meiner kvar kamp vert viktig framover, skal laget hans halda på tabelltoppen.

– Me har alt i eigne hender. Den neste kampen vert alltid den viktigaste, og vinn me resten, så vinn me avdelinga.

Per dags dato er det Njardar/Tysnes som har overtaket i ligaen.

– Me vil gjera alt me kan for å vera det laget som andre må henta inn. Går me på eit tap, kan det fort verta omvendt, og me vert det laget som må henta inn laget framfor.

Neste kamp er heime på Reiso mot Vadmyra 3, eit lag som også er med i opprykkskampen, men vart slått 5-2 av Njardar i vårkampen.

– Me håper at mange vil møta opp på laurdag for å sjå serieleiaren i aksjon. Det vert nok ein tøffare kamp enn mot Strand-Ulv, avsluttar Hagen.


Kampfakta:

Strand-Ulv - Njardar/Tysnes 1 - 5 (0-3)

Ølve Idrettsanlegg

Mål: 0-1 Børge Pedersen (32), 0-2 Arild Ebbesvik (39), 0-3 Aksel Lande (44), 1-3 Sigbjørn Tungesvik Dahle (62), 1-4 Roy Korsnes (67), 1-5 Didrik Milde Thorbjørnsen (90)

Dommar: Øystein Johnsen (Baune, Sk)

Desse var med: Kjartan Hagen, Alexander Kleppe, Morris Skulstad, Endre Vermedal, Fredrik Winther, Thomas Hagen, Lasse Skulstad, Aksel Lande, Børge Pedersen, Arild Ebbesvik, Didrik Milde Thorbjørnsen, Ronny Hagen, Roy Korsnes, Heine Henanger og Øyvind Helvik.


KLEM: Børge Pedersen (delvis skjult) får ros frå lagkamerat Didrik Milde Thorbjørnsen etter å ha banka inn Njardar sitt fyrste mål.
KLEM: Børge Pedersen (delvis skjult) får ros frå lagkamerat Didrik Milde Thorbjørnsen etter å ha banka inn Njardar sitt fyrste mål.
KONSENTRERT: Spelande trenar Thomas Hagen i farta på høgrekanten.
KONSENTRERT: Spelande trenar Thomas Hagen i farta på høgrekanten.
SPISS: Her ser Arild Ebbesvik ballen gå i mål, få minutt før pause.
SPISS: Her ser Arild Ebbesvik ballen gå i mål, få minutt før pause.

Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.

Debatt: – Det er store hol i «dugnadsånda» på Tysnes

Eg har hatt eit «nært» forhold til det å driva eit idrettslag der dugnad var hovudinntektskjelda. Då eg var leiar i Njardar på 80- og 90-talet, hadde me problem med å finansiera den daglege drifta. Me starta «Mimrefesten». Den var i januar, og gav oss pengar til å melda på lag. Me fekk og eit «eventyr» med Brann-kampar på 90-talet, som gav gode økonomiske resultat. Me hadde åtte-ti...