STORSIGER: Njardar/Tysnes slo Gneist 3 11-1 i helga. Her eit lagbilete frå ein kamp tidlegare i sesongen. (Arkivfoto)
STORSIGER: Njardar/Tysnes slo Gneist 3 11-1 i helga. Her eit lagbilete frå ein kamp tidlegare i sesongen. (Arkivfoto)

Vann med ti mål

A-laget held fram med storspelet.
Publisert 03.09.2018 kl. 11.11. Oppdatert kl. 12.14.

Laurdag tok opprykksjagande Njardar/Tysnes turen til Blomsterdalen i Bergen for å møta Gneist 3.

Det enda med den største sigeren for sesongen for tysnesingane. Heile 11–1 vart resultatet til slutt.

– Me følte at alt stemte. Det var ein veldig bra kamp, fortel spelande trenar Thomas Hagen.


Sjumålsleiing til pause

Grunnlaget for storsigeren vart lagt i fyrste omgang. Til pause stod det 7–0 til dei gulkledde etter to mål kvar av spissparet Arild Ebbesvik og Didrik Milde Thorbjørnsen, samt mål av Aksel Lande, Fredrik Winther og Alexander Gjerstad Kleppe.

Andre omgang fortsette i same spor, og etter få minutt set Gjerstad Kleppe inn sitt andre for dagen.

Før Njardar fekk sine tre siste mål, fekk heimelaget ei redusering. Det stoppa ikkje tysnesingane frå å angripa vidare, og før dommaren bles av kampen har både Terje Hagen og Ronny Hagen hamna på scoringslista, i tillegg til at Arild Ebbesvik har putta sitt tredje mål for dagen.


Høgt målsnitt

Med elleve mål laurdag, er Njardar oppe i 59 mål på elleve kampar. Det utgjer eit målsnitt på 5,36 mål per kamp. I heile Hordaland er det berre Fotlandsvåg i naboavdelinga som har betre snitt denne sesongen.

– Det viser at me har utvikla oss godt denne sesongen. Spelarane har utvikla seg, og me har vorte betre som eit lag, fortel trenaren.

Neste helg vert det toppoppgjer på Reiso. Då kjem tabelltoar Løv-Ham 2 til Tysnes for å utfordra serieleiarane.

– Det er ein ekstremt viktig kamp. Me toler eigentleg ikkje tap mot Løv-Ham, seier Hagen.

Vinnaren av den kampen kjem til å leia avdelinga etter runden, og ha opprykket i eigne hender før serieinnspurten.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...