YNSKJER VELKOMEN: Kari og Helge Drange (innfelt) er klare for å ta imot gjester i Kulturløo på laurdag. (Begge foto: Kulturløo)
YNSKJER VELKOMEN: Kari og Helge Drange (innfelt) er klare for å ta imot gjester i Kulturløo på laurdag. (Begge foto: Kulturløo)

Duka for familiedag i Kulturløo

Laurdag blir det arrangert familiedag i Kulturløo på Drange. Arrangementet er i samband med både Kystsogevekene og Kulturminnedagene.
Publisert 06.09.2018 kl. 11.49. Oppdatert kl. 11.53.

Besøkande vil blant anna kunna sjå ei kunstutstilling:

– Det blir ei utstilling av botaniske trykk av Ann Kristine Aanonsen, seier Helge Drange.

Vidare fortel han at det blir natursti for barna, i tillegg til opplegget for dei vaksne.

– Og så skal Anne Elisebeth Skogen fortelja om utvandringa til USA, og om korleis det gjekk med dei første innvandrarane, seier Drange.

Skogen er dramalærar ved Suldal kulturskule, og frilansforteljar med forteljarutdanning frå det som før heitte Høgskolen i Oslo.

Foredraget hennar er delt opp i to delar. Del ein handlar om sjølve utvandringa til dei første nordmenna, som reiste med skipet Restauration til USA. Denne delen har ho framført i Kulturløo tidlegare, og fleire har etterspurt fortsetjinga. Derfor kjem ho i år til å også fortelja del to av historia, nemleg om korleis dei norske innvandrarane klara seg i det nye landet.

Vidare forel Drange at det blir moglegheit for å koma og sjå på dyra på garden, som for eksempel villsauane deira.

– I tillegg vil det bli servert kaffi og noko å bita i, avsluttar Drange.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...