OMVISNING I MUSEET: I museet kunne ein finne gamle gjenstandar heilt tilbake frå 1760-tallet.
OMVISNING I MUSEET: I museet kunne ein finne gamle gjenstandar heilt tilbake frå 1760-tallet.

Innhaldsrik familiedag på Drange

Laurdag var det arrangert familiedag i kulturløo på Drange i samband med kystsogevekene og kulturdagane.
Publisert 08.09.2018 kl. 21.47.

Mange hadde teke turen for å ta del i familiedagen og det var ikkje utan grunn. Her var det kjekke aktivitetar for både store og små, i tillegg til sal av bakst.

– Det er kjekt å få til litt liv i løo, seier Helge Drange som saman med kona, Kari, driv garden.


Viktig historie

Helge ynskte dei besøkjande velkomne, og fortalte at dei tidlegare den dagen hadde baka det dei kallar for «lisabrød», som er ei oppskrift frå tanta hans.

– Derfor luktar det kanskje litt nysteikt brød her, vitsa Helge før han ynskte Anne Elisabeth Skogen velkommen. Ho er dramalærar ved Suldal kulturskule og har teke turen til Tysnes for å fortelja om det fyrste utvandringsfølget til Amerika i 1825. Forteljinga var delt i to delar, der den fyrste handla om sjølve utvandringa til dei fyrste nordmennene som drog til Amerika i skipet Restauration. Den andre delen av forteljinga handlar om korleis innvandrarane frå Norge klarte seg i det nye landet.– Eg synest det er kjekt å koma her og fortelja, og ikkje minst synest eg at historia er svært spennande.

Mykje av utvandringshistoriene kan gjenspegla seg i dagens innvandring, og Anne Elisabeth meiner at historiene derfor er svært dagsaktuelle.– Livet på den tida var mykje likt på det me kan sjå her på museet med gjenstandar frå 1800-talet, legg Anne Elisabeth til.


Botaniske trykk

Oppe i løa kunne ein finna biletkunstnaren, Ann Kristine Aanonsen, og hennar botaniske trykkutstilling. Ho blei invitert til å visa fram naturbileta sine i løa. Det er fyrste gang desse vert vist fram på utstilling.

– Utstillinga heiter «Poetics of Places», og viser oss litt av poesien kvar stad kan gi, ein kan òg finna sjal med plantetrykk.

Bileta er henta frå blant anna Sotra og Hardanger. Anne er oppteken av poesien i naturen og det naturlege naturen har å by på.– Eg trur at mange lokale her har eit sterkt forhold til naturen og vil finna kjente blomar som blant anna roseblad.

Ho gler seg til å høyra kva respons dei besøkjande har å kome med, og ser fram til å visa fram bileta sine.


Ein viktig dag

Ei av dei besøkjande på garden var Aasta Kroken frå Bergen. Her var ho saman med barneborna og familien. Sjølv har ho småbruk på Tysnes.

– Det er så kjekt og viktig for samhaldet i bygda at dei får til slikt som dette, smiler Aasta.

Ho gler seg til å høyra den andre delen av forteljinga til Anne Elisabeth om utvandrarane til Amerika.– Det Anne Elisabeth fortel er ei utruleg viktig historie, og ho gjer det på ein så stilig måte.

Aasta er svært nøgd med dagen, og gjev arrangørane mykje ros for å halda familiedagar som dette.


Både for store og små

Det er tydleg at dette er ein dag for heile familien. Borna fekk moglegheit til å klappa dyra og delta på ein natursti. Her var det lagt ut marihøner som dei skule følgja gjennom heile løypa, med spørsmål knytt til.

– Ungane koste seg gjennom løypa, fortel Helge.

Det var òg mogleg å vitja museet med gamle gardsgjenstandar frå 1850-talet. Det eldste ein kan finna der er frå 1760.– Eg har mista kontrollen over kor mange som har vore her så langt, og det er veldig positivt at det har kome så mange! I tillegg var me heldige med veret, seier Helge, som er godt nøgd med årets familiedag i kulturløo på Drange.


BOTANISK UTSTILLING: I løa kunne ein sjå dei flotte bileta som Ann Kristine Aanonsen hadde stilt ut.
BOTANISK UTSTILLING: I løa kunne ein sjå dei flotte bileta som Ann Kristine Aanonsen hadde stilt ut.
FORTELJING OM UTVANDRINGA: Anne Elisabeth Skogen fortalte ei spennande forteljing om utvandringa til Amerika.
FORTELJING OM UTVANDRINGA: Anne Elisabeth Skogen fortalte ei spennande forteljing om utvandringa til Amerika.
NOKO Å TYGGJA PÅ: Kari og Helge Drange kunne tilby dei besøkande både vaflar og det heimelaga brødet «lisabrød».
NOKO Å TYGGJA PÅ: Kari og Helge Drange kunne tilby dei besøkande både vaflar og det heimelaga brødet «lisabrød».
KJEKK DAG: Aasta Kroken saman med barneborna Mathea (til venstre), Jens og Zoe har storkosa seg på garden.
KJEKK DAG: Aasta Kroken saman med barneborna Mathea (til venstre), Jens og Zoe har storkosa seg på garden.
KLAR FOR GJESTER: Garden på Drange var pynta med ballongar for å ta imot alle gjestene.
KLAR FOR GJESTER: Garden på Drange var pynta med ballongar for å ta imot alle gjestene.

Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.