TETT OG JAMNT: Det var ein jamnspelt kamp, men Søre Neset trekte det lengste strået tysdag. Her er Hans Martin Hansen i duell.
TETT OG JAMNT: Det var ein jamnspelt kamp, men Søre Neset trekte det lengste strået tysdag. Her er Hans Martin Hansen i duell.

Søre Neset vart for sterke

G11-laget stod på, men tapte 5–10 på Reiso.
Publisert 12.09.2018 kl. 18.00.

Regnet stoppa verken spelarar eller tilskodarar frå å møta opp på Reiso då G11-laget til Njardar/Tysnes møtte Søre Neset Storm tysdag.

Bortelaget levde opp til namnet sitt, og takla det dårlege vêret best.


Gode prestasjonar

Ein farstfylt fyrste omgang enda med heile elleve mål, og ei 6–5-leiing til bortelaget frå Os.

Andre omgang vart like jamnspelt og fartsfylt, men Njardar-gutane klarte diverre ikkje å følgja opp målfangsten frå fyrste omgang.

Store delar av omgangen var det heimelaget som pressa på og styrte spelet, og alle spelarane leverte gode prestasjonar.

Alvin Siglevik Lunde serverte kvalitetspasningar frå bak på banen. Samson Førdedal Huse viste musklar og vann mange duellar. Hans Martin Hansen viste prov på flott teknikk, og Benjamin Hagen kom til mange sjansar frå spissplass.


Fekk ikkje ballen i mål

Men trass i ein god andre omgang, var det Søre Neset som trekte det lengste strået tysdag.

Njardar klarte ikkje å få ballen i mål i andre halvdel av kampen. Søre Neset hadde både ein god keeper, stolpar og litt flaks på si side.

I motsatt ende fekk gutane frå nordsida av Bjørnafjorden utnytta kontringsromma, og putta fire mål etter pause.

Sluttresultatet vart 10–5 til osingane, i ein kamp der to gode lag møttest.

Njardar sin trenar, Stian Huse, var einig i at laget hans kunne hatt fleire mål i protokollen.

– Me hadde mange sjansar og skulle hatt fleire mål.

Han var likevel svært godt nøgd med innsatsen til gutane.

– Dei spelte kjempebra, og hadde god innsats, sa trenaren etter kampen.

LES OGSÅ: J13 tapte lokaloppgjeret


G11-LAGET: Trass tap, og at dei var kalde og våte, klarte Njardargutane å få fram nokre tapre smil etter kampen.
G11-LAGET: Trass tap, og at dei var kalde og våte, klarte Njardargutane å få fram nokre tapre smil etter kampen.
HØGREKANT: Hans Torbjørn Kongsvik Lygre hadde fleire gode raid på høgresida i andre omgang.
HØGREKANT: Hans Torbjørn Kongsvik Lygre hadde fleire gode raid på høgresida i andre omgang.
GOD HØGREFOT: Alvin Siglevik Lunde styrte spelet frå forsvaret.
GOD HØGREFOT: Alvin Siglevik Lunde styrte spelet frå forsvaret.

Siste saker Gå til framsida

Klar visjon for nye Tysnes skule

101 millionar for eit nytt skulebygg kan verka dyrt, men Kåre Martin Kleppe (H) og Anne Merete Fjeldstad (Ap) er tydelege på at det er ei investering i framtida.