KJEMPA: Tora Nødland Austvik og resten av J13-jentene skapte mange sjansar, men tapte likevel for Stord 2.
KJEMPA: Tora Nødland Austvik og resten av J13-jentene skapte mange sjansar, men tapte likevel for Stord 2.

Tapte lokaloppgjeret

Det vart ein spennande kamp i ruskevêret på Reiso tysdag, då J13-laget til Njardar/Tysnes tok imot Stord 2 til eit lokaloppgjer.
Publisert 12.09.2018 kl. 14.55. Oppdatert 13.09.2018 kl. 08.21.

– Dette er eit lag me bør slå. Me spelte uavgjort mot dei i vår, i ein kamp me burde ha vunne, sa Njardar-trenar Ingebrigt Vermedal før kampen starta.


Jamn start

Ein og annan tilskodar hadde funne vegen til Reiso denne kvelden, og alle hadde paraplyane klare.

I same frekvens som regnbyene, hadde Njardar og Stord kvar sine periodar med godt spel og press i byrjinga av fyrste omgang, utan at det vart dei store sjansane av det.

Heimelaget fekk meir og meir kontroll på kampen, og skapte etter kvart større og større sjansar mot Stord-målet, utan at ballen gjekk i nettet.

Like før pause fekk derimot Njardar-jentene utteljing. Ein godt slått corner trefte ein uheldig Stord-forsvarar og ballen trilte inn i det lengste hjørnet. Njardar kunne uansett jubla for ei fortent leiing like før pause.


Stord svara

Andre omgang var ikkje gamal før Stord-jentene slo tilbake. Bortelaget spelte seg gjennom i midten, og sette utlikninga åleine med keeper. Stord fortsette presset, og fekk fyrst ein kjempesjanse, før dei sette målet som førte dei opp i leiinga. Alt skjedde i løpet av opningsminutta av den andre omgangen.

Njardar klarte til slutt å kjempa seg inn i kampen igjen, og fekk roa ned presset frå Stord. Medan meir og meir nedbør fall frå himmelen, fekk dei gulkledde snudd spelet i sitt favør, og skapte store sjansar.

Både ein god Stord-keeper, og stolpen, hindra Njardar frå å utlikna. Like før slutt punkterte Stord kampen då dei kontra inn sitt tredje mål for dagen.

Dommaren blåste av kampen, og Stord 2 slo Njardar/Tysnes 3–1 til slutt. Den siste delen av kampen vart prega av eit massivt regnvêr, og spelarane var mest opptatt av å koma seg under tak etter kampslutt.

LES OGSÅ: Søre Neset vart for sterke for G11


Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.

Debatt: – Det er store hol i «dugnadsånda» på Tysnes

Eg har hatt eit «nært» forhold til det å driva eit idrettslag der dugnad var hovudinntektskjelda. Då eg var leiar i Njardar på 80- og 90-talet, hadde me problem med å finansiera den daglege drifta. Me starta «Mimrefesten». Den var i januar, og gav oss pengar til å melda på lag. Me fekk og eit «eventyr» med Brann-kampar på 90-talet, som gav gode økonomiske resultat. Me hadde åtte-ti...