NY SIGER: Børge Pedersen var ein av målscorarane mot Hasunds Hund laurdag. Her frå møtet med same lag på Reiso i mai. (Arkivfoto: Camilla Korsnes)
NY SIGER: Børge Pedersen var ein av målscorarane mot Hasunds Hund laurdag. Her frå møtet med same lag på Reiso i mai. (Arkivfoto: Camilla Korsnes)

Eit steg nærare opprykk

A-laget slo Hasunds Hund laurdag.
Publisert 17.09.2018 kl. 15.49.

Sidan kampen mot Løv-Ham 2 vart utsett førre helg, var det to veker sidan a-laget til Njardar/Tysnes sist var i aksjon.

Laurdag drog tysnesingane til Møhlenpris idrettsplass i Bergen for toppkampen mot Hasunds Hund.

Det enda med ein sterk 4–2-siger for Njardar-herrane, og eit nytt steg mot opprykk til 6. divisjon.

Det var heimelaget som opna målfesten, men gultrøyene kom tilbake, og snudde kampen etter mål av Didrik Milde Thorbjørnsen, Børge Pedersen, Roy Korsnes og Aksel Lande.

Njardar står dermed med 30 poeng på tolv kampar. Dei har berre fire kampar igjen av sesongen, inkludert den utsette «seriefinalen» mot Løv-Ham 2 om to veker.

Gjengen frå Fyllingsdalen gjorde også jobben sin i helga, og slo botnlaget Nordre Fjell 2 4–1. Det betyr at Løv-Ham berre ligg fem poeng bak Njardar, med ein kamp mindre spelt, og er tysnesingane sine største utfordrarar til opprykket.

Neste helg skal a-laget igjen i aksjon på Reiso. Då kjem Tyssedal på besøk. Dei ligg på femteplass på tabellen, ti poeng bak Njardar. Førre gong laga møttast vann Tyssedal 2–1. Sidan den gong har Njardar vunne åtte strake kampar, med ein målforskjell på 47-11.


Siste saker Gå til framsida

På gamleheimen

At gamleheimen skulle koma til å hamna på Hovland, hadde mest med tilfeldige omstende å gjera. Det vart i alle høve slik at Tysnes Gamleheimslag overtok den staselege gamle doktorbustaden som vart bygd av distriktslege Gjestland, som fekk skøyte i 1880. Her sette han opp ein bustad som ikkje stod tilbake for dei gamle patrisiarhusa som rikfolk i Bergen gjerne bygde som «lyststeder» utanfor...

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...