FULL KONSENTRASJON: Louise Vermedal Lunde i fint driv. (Begge foto: Njardar/Tysnes IL)
FULL KONSENTRASJON: Louise Vermedal Lunde i fint driv. (Begge foto: Njardar/Tysnes IL)

Godt jobba av Njardar Jenter 12

Laurdag kjempa laget seg til siger på Halsnøy.
Publisert 17.09.2018 kl. 10.55.

For njardarjentene var det ei forholdsvis lang reise til Halsnøy kunstgras. Kampen starta uheldig, med 1-0 til Halsnøy på straffespark.

Tysnesingane samla seg med godt spel, men fekk endå eit mål imot tidleg i omgangen.


Henta seg inn

Utover i omgangen blei spelet flytta oppover, med press på halsnøylaget. Jentene fekk til fleire gode kontringar, og utfordra forsvaret til motstandarane.

Til pause hadde Njardar henta inn to mål, og stillinga var 2-2.

I pausen fekk trenaren terpa på strategi, og jentene følgde opp med betre og betre spel i andre omgang. Halvvegs fekk endeleg Njardar inn 2-3, og konsentrerte seg om å halda denne leiinga.

Reisa tok det meste av dagen, og gjekk rundt Sunnhordlandsbassenget. Ein fekk oppleva ei god blanding av styrtregn og solskin i god ettersommartemperatur. Både laget og vaksne som er med får sjå fine og aktive bygder.


God oppvarting

Kampen vart spela i strålande solskin, på eit nytt fotballanlegg. Me som bortelag fekk god oppvarting med kaffi og frukt i pausen. Halsnøy IL hadde ein stor gjeng som jobba dugnad for nytt klubbhus. Alle tok seg tid til å sjå dette spanande oppgjeret mellom øyene i Sunnhordland. Halsnøy stilte med heile fire årskull for å få lag.

Det er flott å sjå at lokalsamfunn stiller opp med store og små, og lagar spanande underhaldning på fritida.

Takk til jenter og trenar som stiller opp. Dei fleste av desse hadde ei travel helg med handballkamp på søndagen etter laurdagsfotballen


JUBLANDE GLADE: Trass i at dei fekk to mål imot seg tidleg i kampen, var det Njardar J12 som til slutt gjekk sigrande ut av kampen mot Halsnøy.
JUBLANDE GLADE: Trass i at dei fekk to mål imot seg tidleg i kampen, var det Njardar J12 som til slutt gjekk sigrande ut av kampen mot Halsnøy.

Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.