UAVGJORT: Julie Sjøbø og resten av J11-laget spelte uavgjort 3-3 mot Øystese.
UAVGJORT: Julie Sjøbø og resten av J11-laget spelte uavgjort 3-3 mot Øystese.

Heidra klubblegende med sørgjeband

Fleire Njardar-lag var i aksjon på Reiso tysdag.
Publisert 20.09.2018 kl. 06.01. Oppdatert kl. 08.01.

Tysdag kveld var det kunstgraset på Reiso som var staden å vera. Tre lokale Njardar/Tysnes-lag var i aksjon, og kampane enda med to sigrar og ein uavgjort. Alle Njardar-spelarane stilte med svarte sørgjeband for å heidra klubblegenden Nils Eivind Hansen, som brått og uventa gjekk bort laurdag.


Klar siger

Den fyrste kampen som vart blåst i gang var oppgjeret mellom Njardar sitt Jenter 14-lag og Austevoll.

Njardar-jentene gjekk rett i strupen på motstandarane, og det tok ikkje mange minuttane før det stod 3–0 til dei gulkledde.

Kampen roa seg litt etter opninga, og Austevoll kom meir inn i spelet. Det hindra derimot ikkje Heran Ghirmay frå å setja inn 4–0 like før pause.

Austevoll heva seg i andre omgang, og sette press på heimelaget.

– No må me ta igjen, for no er dei tøffare enn oss, ropte trenar Geir Austvik til laget sitt tidleg i andre omgang.

Njardar hadde grei kontroll på resten av kampen, og vann til slutt 5–1.

Trass i firemålssiger, følte jentene at dei hadde meir inne tysdag.

– Me var kanskje ikkje heilt på topp i dag, men me er fornøgde med resultatet, sa Brita Austvik etter kampen.

LES OGSÅ: Eit steg nærare opprykk


Stor underhaldning

Samtidig med J14-laget, vart kampen mellom Njardar sitt J11-lag og Øystese sparka i gang.

Det var heimelaget som opna målshowet. Marta Austvik sette 1–0 etter ein flott gjennombrotspasning.

Øystese svarte og fekk utlikna til 1–1, trass i ei trippelredning av Njardar-keeper Stine Erstad. Ho stod ein kjempekamp i målet og hadde mange kvalifiserte redningar, viste solid feltarbeid og var fleire gonger raskt ut av målet og stoppa farlege gjennombrotspasningar.

Øystese pressa på, og gjekk opp i leiinga før pause.

Andre omgang vart like underhaldande som den fyrste, og i ein svært god Njardar-periode snudde heimelaget kampen til 3–2.

Kort tid før full tid scora Øystese på eit langskot, og kampen enda 3–3. Trenar Karoline Dalen var etter kampen godt nøgd med jentene sine.

– Me tapte for dette laget sist me møttest, så no er eg veldig stolt. Det er desse jamne kampane som er ordentleg kjekke.


Sigra i regnet

Etter kvart som mørket byrja å senka seg, og regnvêret trefte Reiso, var det G13-laget sin tur til å møta Solid frå Sagvåg.

Det var dei gulkledde som fekk fyrste scoring. Jonas Hagen styrte ei avslutning frå Jonas Siglevik til side for keeper.

Njardar fortsette med mykje godt spel og flotte kombinasjonar.

– No speler me godt, uttalte trenar Ronny Hagen i fyrste omgang.

Ikkje lenge etter det fyrste målet, fekk Njardar utteljing på nytt då Brede Røssland stanga inn ballen etter corner.

Bortelaget gav ikkje opp, og klarte å setja eit press på Njardar-gutane. To raske mål gjorde at det plutseleg var uavgjort igjen.

Etter pause tok Njardar på nytt initiativet i kampen. Fyrst sette Hans Martin Hansen inn 3–2, før Jonas Hagen og Petter Andersland auka til 5–2.

Det viste seg at Njardar i nokre minutt hadde spelt med ein spelar for mykje på bana. I god fair play-ånd fekk Solid spela nokre minutt i overtal. Dette utnytta dei godt, og plutseleg hadde dei redusert to gonger.

Siste del av kampen var intens, tett og jamn. Etter ein periode med godt Njardar-spel fekk Petter Andersland ballen framfor mål, og sette sitt andre for dagen.

Kampen enda 6–4 til Njardar/Tysnes, og gutane kunne jubla for siger i ein kamp mellom to gode lag.

LES OGSÅ: Godt jobba av Njardar Jenter 12


Heidra eldsjel

Alle Njardar-laga spelte med svarte sørgjeband på armane tysdag. Dette var for å heidra Nils Eivind Hansen, som brått og uventa gjekk bort i helga.

Han var ein sentral figur og eldsjel i fotballmiljøet på Tysnes. Dette vert også markert i klubbhuset på Reiso.

– Klubben har i samråd med familien til Nils Eivind Hansen laga til ein kondolanseprotokoll i klubbhuset på Reiso. Her kan ein gå innom for å skriva nokre ord, eller berre prata saman dersom ein ynskjer det, skriv Njardar/Tysnes på facebook.

Rommet er ope torsdag kveld, og i timane før a-lagskampen mellom Njardar og Tyssedal laurdag.

Det var tydeleg at han var i tankane til både spelarar, trenarar og tilskodarar tysdag.

– Me spelte for Nils Eivind i dag, sa Julia Søreide til brei semje frå lagveninnene på J14-laget etter kampslutt.





SLO AUSTEVOLL: Desse var med for J14-laget: Pia Bjøntegaard, Malin M. Paulsen, Tuva Hatteberg-Olsen, Emma Teigland, Heran Ghirmay, Hanna Langballe, Maria Andronikidu, Brita Austvik, Thea Sunndal, Julia Søreide, Mia Helvik, Michelle Loftskjær og Louise Vermedal Lunde
SLO AUSTEVOLL: Desse var med for J14-laget: Pia Bjøntegaard, Malin M. Paulsen, Tuva Hatteberg-Olsen, Emma Teigland, Heran Ghirmay, Hanna Langballe, Maria Andronikidu, Brita Austvik, Thea Sunndal, Julia Søreide, Mia Helvik, Michelle Loftskjær og Louise Vermedal Lunde
KAPTEIN: Brita Austvik leia J14-laget til siger over Austevoll.
KAPTEIN: Brita Austvik leia J14-laget til siger over Austevoll.
BEST I REGNET: G13-laget var best i ein underhaldande kamp mot Solid frå Sagvåg
BEST I REGNET: G13-laget var best i ein underhaldande kamp mot Solid frå Sagvåg
SIGRA: G13-laget vann 6-4 over Solid. Bak frå venstre: Petter Andersland, Jonas Hagen-Lunde, Brede Røssland, Joakim Christensen, Oliver Fagerbakk, Tobias Dalen Hagen, Mathias Bakke og Theodor Meland. Framme frå venstre: Lars Kristoffer Alsaker, Jørgen Pettersen, Jonas Siglevik, Hans Martin Hansen og Alvin Siglevik Lunde.
SIGRA: G13-laget vann 6-4 over Solid. Bak frå venstre: Petter Andersland, Jonas Hagen-Lunde, Brede Røssland, Joakim Christensen, Oliver Fagerbakk, Tobias Dalen Hagen, Mathias Bakke og Theodor Meland. Framme frå venstre: Lars Kristoffer Alsaker, Jørgen Pettersen, Jonas Siglevik, Hans Martin Hansen og Alvin Siglevik Lunde.
ANGREPSVÅPEN: Julia Søreide var ein konstant trussel for Austevoll-forsvaret tysdag.
ANGREPSVÅPEN: Julia Søreide var ein konstant trussel for Austevoll-forsvaret tysdag.
BANENS BESTE: Njardar-keeper Stine Erstad spelte ein solid kamp for J11-laget, og hindra mange baklengsmål.
BANENS BESTE: Njardar-keeper Stine Erstad spelte ein solid kamp for J11-laget, og hindra mange baklengsmål.
SKOT: Jonas Siglevik lada skotfoten. Etter ei styring frå Jonas Hagen enda ballen i mål, og Njardar gjekk opp i leiinga.
SKOT: Jonas Siglevik lada skotfoten. Etter ei styring frå Jonas Hagen enda ballen i mål, og Njardar gjekk opp i leiinga.
STORSPELA: Heran Ghirmay scora eitt mål, og får skryt av trenar Geir Austvik. - Heran vert bedre og bedre. Ho kjem på kvar trening, og viser ekte idrettsglede, seier Austvik.
STORSPELA: Heran Ghirmay scora eitt mål, og får skryt av trenar Geir Austvik. - Heran vert bedre og bedre. Ho kjem på kvar trening, og viser ekte idrettsglede, seier Austvik.

Siste saker Gå til framsida