ROCKARAR: Symra er klare for musikkslepp i slutten av månaden. (Arkivfoto: Ingunn Gjærde)
ROCKARAR: Symra er klare for musikkslepp i slutten av månaden. (Arkivfoto: Ingunn Gjærde)

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.
Publisert 23.09.2018 kl. 15.00.

Singelen vil bli sleppt den 29. september, og er den første av tre komande singelar for det nye albumet.

Sjølve albumet kjem når bandet har stabla opp ein god nok økonomi til å spela inn dei siste songane.

For å distribuera singelen bruker bandet firmaet Indigoboom, som sørgjer for at songen kjem ut på alle dei vanlegaste strøymetenestene for musikk.

– Me kallar sjangeren vår for alternativ poprock. All musikken vår går innanfor same sjanger, men songane er ganske ulike, fortset Kleppe.

Når det kjem til «Purple Sweater», singelen som blir sleppt seinare denne månaden, har Kleppe følgjande å seia:

– Det er ein låt som er litt meir «upbeat». Me har mange dystre tekstar, og av dei songane me har spelt inn er dette den einaste som ikkje er negativ.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...