DUELLSPEL: Det var mange tette duellar då Njardar G10 møtte Gneist på Reiso torsdag kveld.
DUELLSPEL: Det var mange tette duellar då Njardar G10 møtte Gneist på Reiso torsdag kveld.

Tapte siste kamp for sesongen

G10 hadde mange sjansar, men klarte ikkje måla seg med Gneist torsdag.
Publisert 04.10.2018 kl. 20.30.

– Det var nok den dårlegaste kampen vår i år, fortel trenar Gunnar Hansen etter kampen er ferdig.

Torsdag spelte Njardar/Tysnes sitt Gutter 10-lag mot Gneist på Reiso, men bergensarane vart for tøffe.


Hang med i starten

Det tok ikkje lang tid før Gneist scora fyrste mål for kvelden, men Njardar hang med i starten. Hans Martin Hansen viste seg fram på venstresida, og hadde to gode sjansar i opningsminutta.

På eit nytt raid vart han felt, og fekk frispark i farleg posisjon. Frisparket tok han sjølv og utlikna til 1–1.

Gneist tok over litt av spelet etter Njardar-målet, og etter ein lav corner gjekk dei på nytt opp i leiinga.

Resten av omgangen var prega av sjansar og godt spel av begge lag. Njardar hadde nokre store sjansar, og keeper Lucas Flatråker Tønnessen hadde fleire gode redningar før dommerne blåste av fyrste omgang.


Gneis best i andre

I andre omgang viste Gneist seg som det beste laget på Reiso denne kvelden. Berre få minutt ut i omgangen scora bortelaget på eit utakbart langskot.

Gneist fortsette å pressa på, men Njardar var ikkje ufarleg på kontringar. Nickolas Flatråker Siglevik hadde ein god målsjanse etter å ha kjempa seg fri på høgresida.

Etter kvart byrja måla å renna inn. Fyrst fekk bortelaget kjempa inn eit mål etter eit frispark, før dei kombinerte seg gjennom Njardar-forsvaret og auka til 5–1. Eit siste Gneist-mål var i ferd med å fastsetja sluttresultatet, men Hans Martin Hansen fekk eit trøstemål i sluttminutta.


God sesong

Kampen mot Gneist enda til slutt 2–6.

– Me fekk ikkje heilt til samspelet i dag, fortel trenar Hansen.

Kampen torsdag var G10-laget sin siste kamp for sesongen, ein sesong som alt i alt har vore solid.

– Me har berre tapt tre kampar i år, så det har stort sett gått bra, seier Hansen.

Njardar-spelarane var heller ikkje fornøgd med kampen i dag.

– Det var ein dårleg kamp, var dei fleste samde i.

God trøyst var det likevel at foreldra undervegs hadde stekt vafler på sidelinja som spelarane kunne kosa seg med etter kampen.


TAPTE: G10-laget har hatt ein god sesong, men tapte siste kampen for året mot Gneist.
TAPTE: G10-laget har hatt ein god sesong, men tapte siste kampen for året mot Gneist.
MØTTE GNEIST: Gneist tok turen til Tysnes frå Bergen, og vann 6-2.
MØTTE GNEIST: Gneist tok turen til Tysnes frå Bergen, og vann 6-2.
SCORA TO: Hans Martin Hansen scora begge måla til Njardar torsdag.
SCORA TO: Hans Martin Hansen scora begge måla til Njardar torsdag.

Siste saker Gå til framsida