HAUSTPLANAR: Patrick Madsen i Mandelhuset (t.v.) og Haaheim Gard-husfar Torstein Hatlevik har mykje på tapetet i haust. (Arkivfoto: Camilla Korsnes)
HAUSTPLANAR: Patrick Madsen i Mandelhuset (t.v.) og Haaheim Gard-husfar Torstein Hatlevik har mykje på tapetet i haust. (Arkivfoto: Camilla Korsnes)

Klare for ein haust med yrande kulturliv

Berre fordi sommaren er over, betyr ikkje det at kommunen går i dvale. «Tysnes» har spurt nokre av serveringsstadene på øya om kva dei har planlagt.
Publisert 08.10.2018 kl. 06.00. Oppdatert kl. 12.35.

Først ut er Haaheim. Der er det mangt og mykje som skjer i haust.

20. oktober er det operakonsert med Haugesund Kammerkor.

I byrjinga av november, meir spesifikt den 2., 3., og 4., kjem Ingvard Wilhelmsen tilbake til Haaheim, for å halda foredrag. Alle dagane er utselde.

Helga etter, den 10. november, er det duka for konsert med Elise Nærbø, kjent frå TV-programmet The Voice.

16. november blir det både teater og festmiddag, når Hordaland teater skal framføra Babettes Gjestebud. Til liks med Wilhelmsen-foredraga, er dette arrangementet allereie utselt.

Stand-up finn ein òg på programmet. 23. og 24. november skal nemleg Morten Grøtnes underhalda på Haaheim.

I byrjinga av adventstida, går Haaheim sine julekonsertar av stabelen. Den 7. og 8. desember skal Haaheim-sjef Torstein Hatlevik, Ailie Reid, Irene Simonsen og damekoret Corona sørgja for julestemning. Ifølgje arrangørane blir det ei intim oppleving.

– Me synest det er veldig spennande å ha eit så stort kulturprogam på Haaheim, seier Torstein Hatlevik.


Kulturprega mandelhaust

Også på Mandelhuset skjer det ting i haust. 13. oktober blir det Humorgalla med Hans Morten Hansen. Den er allereie utselt. 27. oktober er det intimkonsert med Vidar Johnsen. Akkurat som humorgallaen, er intimkonserten med Tor Endresen den 10. november utselt. Det er altså stor pågang på arrangementa til Mandelhuset i haust.

9. desember kjem Inger Lise Hope med konserten Fredelig Jul til Mandelhuset, for tredje år på rad. Då blir det både norske og internasjonale julesongar.

– Me er veldig glade for at to av arrangementa er utselde. Me håper på det same med dei andre arrangementa, seier Patrick Russel Madsen.

– Det er kjekt at folk set pris på tilbodet, og at dei set pris på maten, held han fram, og legg til at dei har ny trerettarsmeny kvar månad.


Vanleg drift på Kompasset

– Måndagar har me strikkekafé. Då kan alle ta med strikketøy og vera sosiale, seier Marianne Elgsås i Kompasset Bar og Spiseri.

Ho legg til at Kompasset har matservering kvar dag, og pubdrift fredag og laurdag kveld kvar veke.

– Her er døra alltid open. Alle er hjarteleg velkomne, seier Elgsås.


OPE: Kompasset Bar og Spiseri har vanleg drift i haust. F.v. Marianne Elgsås, Jeanette Olsen og Øyvind Storli. (Arkivfoto)
OPE: Kompasset Bar og Spiseri har vanleg drift i haust. F.v. Marianne Elgsås, Jeanette Olsen og Øyvind Storli. (Arkivfoto)

Siste saker Gå til framsida

Semje om kommunebudsjett

Førre onsdag var kommune- styret samla for siste gong i 2018, og kommunebudsjett og økonomiplan vart vedteke.

Lesarbrev: Mykje lys og mykje varme

I inneverande år har det skjedd mykje forandring langs vegen gjennom Brattetveit og Haukafær på Sør-Reksteren. Eit monster av ein skogsmaskin har herja i skogen. På 60-talet vart mange av småbruka på Vestlandet tilplanta av granskog, både på innmark og utmark. Mange år seinare, då bøndene vart klar over konsekvensen av plantinga, angra dei fleste. Vakker natur der sola slepp til, og...