GULL OG NY REKORD: Anna Dorthea Espevik gjekk heilt til topps i juniorklassa i benkpress-EM, og tok ny verdsrekord i same slengen. (Foto: Norges styrkeløftforbund)
GULL OG NY REKORD: Anna Dorthea Espevik gjekk heilt til topps i juniorklassa i benkpress-EM, og tok ny verdsrekord i same slengen. (Foto: Norges styrkeløftforbund)

EM-gull og ny verdsrekord

Anna Dorthea best i Luxembourg.
Publisert 10.10.2018 kl. 17.51.

Denne veka vert europameisterskapen i benkpress arrangert i Luxembourg. Onsdag gjekk Anna Dorthea Espevik heilt til topps i juniorklassa, og vann med eit løft på 172,5 kilo. Det er også ny verdsrekord for juniorar.

– Det er veldig kjekt. Det var ny verdsrekord eg håpa på, fortel Tysnes-jenta.

Sjølv om det enda med jubel, fekk ikkje Anna Dorthea ein perfekt start på konkurransen.

– Eg byrja på 165 kilo, men bomma. Eg trur eg var litt for nervøs, og då gjekk det ikkje, fortel ho.

Ho klarte å omstilla seg, og fekk til løfta sine.

– Undervegs bestemte eg meg og at berre skulla ha det gøy, og gjera som eg pleier på trening, seier gulljenta.

Planen funka, og ho løfta 165 kilo i andre runde, før ho klinka til med 172,5 kilo og ny verdsrekord i tredje løft.

– Det gjekk lett etter fyrste løftet, fortel Anna Dorthea.

Tysnes-løftaren kan dermed smykka seg med nok eit EM-gull, og ei forbetring av eiga verdsrekord i benkpress.


Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...