NATTGOLF: Når ein skal spela golf i mørket, gjeld det å ha riktig utstyr. Sjølvlysande ballar og hovudlykt høyrer med.
NATTGOLF: Når ein skal spela golf i mørket, gjeld det å ha riktig utstyr. Sjølvlysande ballar og hovudlykt høyrer med.

Avslutta sesongen med nattgolf

Golfarane på Dalen fann fram hovudlyktene torsdag kveld.
Publisert 12.10.2018 kl. 15.26. Oppdatert 15.01.2019 kl. 15.21.

Det er lett å tenkja at golf er ein sport som nyt godt av dagslys. Torsdag kveld fann derimot Tysnes golfklubb fram hovudlyktene og sjølvlysande golfballar, for eit slag med nattgolf.

– Det er ganske spektakulært. Me går rundt med hovudlykter i tussmørket, fortel Jan Vaage, som er leiar i golfklubben.


Sesongavslutning

Nattgolfen har vorte ein årleg tradisjon på Dalen golfbane. I tillegg til runden med golf, er det også ei sosial samling for å markera slutten på golfsesongen.

– Me hadde litt kaffi og kaker før me sette i gang, fortel Vaage.

Å spela golf ein sein oktoberkveld, har ikkje alltid vore like temperaturmessig behageleg som det var torsdag, som var ein dei flottaste haustdagane så langt i år.

– Det var nydeleg vêr og flott temperatur. I fjor var det ganske kaldt då me hadde nattgolf, seier Vaage, som er strålande nøgd med kvelden.

– Det var veldig artig. Det var nesten trollsk stemning rundt banen.


Lysande ballar

Skal ein spela god golf, er det viktig å sjå kvar ein slår, noko som i utgangspunktet kan vera utfordrande når mørket kjem. Løysinga ligg i spesiallaga lysande ballar. Det eine laget speler med raude ballar, medan det andre laget speler med blå ballar. Det er også lys på holflagga, slik at ein ser kvar ein skal sikta. Å spela golf om natta kan dermed til og med ha sine fordelar.

– Det er enklare å sjå kvar ballane landar. Samtidig er det enklare å sjå andre ballar som er på veg mot ein sjølv, så slepp ein å verta treft, fortel Vaage.

Samtidig er det utfordrande med ballar utanom det vanlege.

– Golfballane med lys er dårlegare å spela med enn vanlege ballar. Ein må slå hardare for å få same lengda, og dei sprett ikkje like godt. I tillegg er dei dyre, seier Vaage.


God sesong

Vaage fortel at nattgolfen markerer slutten på ein god golfsesong på Dalen.

– Det har vore ein flott sesong, og me har hatt mykje flott vêr samanlikna med i fjor, fortel han.

No vert golfkøllene pakka ned for vinteren, men så fort det vert isfritt på vårparten, er golfsesongen i gang igjen.

– Då klør det nok sikkert for enkelte etter å koma i gang igjen. Nokon dreg gjerne ein tur til syden for å få spelt litt golf vinterstid også, seier Vaage.

Han fortel at engasjementet rundt golfklubben er stabilt, men at dei saknar ungdom i klubben.

– Me prøver å rekruttera. Me har lagt det opp slik at ein kan koma og prøva gratis saman med folk frå klubben. Deretter kan ein melda seg på kurs viss ein er interessert, fortel Vaage.


STILLER SIKTET: Jan Vaage siktar seg inn på holet.
STILLER SIKTET: Jan Vaage siktar seg inn på holet.
I MØRKET: Edvard Tysnes takla mørket godt, og leverte god golf på banen.
I MØRKET: Edvard Tysnes takla mørket godt, og leverte god golf på banen.
TO LAG: Det var to spelarar på kvart lag torsdag, og to lag spelte på kvart hol samtidig. Sindre Tysnes (t.h) var på lag med Edvard Tysnes, og spelte mot Jan Vaage (t.v), som var på lag med Sveinung Aarskog.
TO LAG: Det var to spelarar på kvart lag torsdag, og to lag spelte på kvart hol samtidig. Sindre Tysnes (t.h) var på lag med Edvard Tysnes, og spelte mot Jan Vaage (t.v), som var på lag med Sveinung Aarskog.

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...