FEMTEPLASS: Pernilla Epland vart nummer fem i terreng-NM i lang løype søndag. Her frå NM i kort løype i vår. (Arkivfoto: Nils Hetleflåt)
FEMTEPLASS: Pernilla Epland vart nummer fem i terreng-NM i lang løype søndag. Her frå NM i kort løype i vår. (Arkivfoto: Nils Hetleflåt)

Femteplass i NM

Pernilla Eugenie Epland tapte gradvis til teten, og enda opp med femteplass i NM i terrengløp.
Publisert 14.10.2018 kl. 14.06.

Søndag var det duka for NM i terrengløp, lang distanse, på Bratsberg stadion i Trondheim. Saman med resten av norgeseliten stod Pernilla Eugenie Epland på startstreken. Ho har hatt ein strålande sesong, som toppa seg med gull på 10.000-meter i NM på bane.

Pernilla har også gode resultat frå tidlegare terreng-NM, med bronse på kort bane i 2017 som eit høgdepunkt.


Rask start

Det var eit stort kvinnefelt som sette avgårde i terrengløypa ved Bratsberg arena søndag. Deltakarane skulle springa seks kilometer fordelt på seks runder.

Etter fyrste runde passerte Pernilla som nummer fire, men på same tid som Sigrid Våg som passerte fyrst. Pernilla heldt følgje med teten ut i den andre og tredje runden, før ho måtte sleppa teten ved tredje rundepassering. Då fekk ein trio med Sigrid Våg, Silje Fjørtoft og Maria Sagnes Wågan ei leiing til dei neste kvinnene. Pernilla passerte som nummer fem, men berre seks sekund bak.


Tapte nye sekund

Ved fjerde passering hadde Pernilla tapt meir, og låg elleve sekund bak tettrioen, men berre to sekund bak Heidi Pharo på fjerdeplass.

Då kvinnene passerte siste gong før mål, var Pernilla over 20 sekund bak teten, og alt tyda på at ho måtte ta til takke med å kjempa om fjerdeplass mot Heidi Pharo og Eli Anne Dvergsdal.


Femteplass

Medan Pernilla kjempa om fjerdeplass, avgjorde Sigrid Våg løpet i front. Norgesmeisteren på 5.000-meter bane kan dermed også smykka seg som best i landet på seks kilometer terrengløp.

Pernilla og Eli Anne Dvergsdal sprang frå Heidi Pharo på siste runde, men Dvergsdal tok lengste stikk i kampen mot Tysnes-jenta. Dermed vart det femteplass for Pernilla, eit steg ned frå fjorårets fjerdeplass på same distanse.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.