WALKOVER: Bergen Allfot har meldt at dei ikkje kan stilla lag mot Njardar i helga, og tysnesingane har dermed vunne kampen 3-0 på Walkover. (Arkivfoto)
WALKOVER: Bergen Allfot har meldt at dei ikkje kan stilla lag mot Njardar i helga, og tysnesingane har dermed vunne kampen 3-0 på Walkover. (Arkivfoto)

Tre poeng på walkover

A-laget skal ikkje spela den siste kampen mot Bergen Allfot i helga.
Publisert 19.10.2018 kl. 17.00.

Berre nokre dagar før a-laget til Njardar/Tysnes skulle møta Bergen Allfot på Reiso for den siste seriekampen for sesongen, kom kontrabeskjeden om at bortelaget ikkje kunne stilla lag.

Njardar sin ordinære sesong er dermed over, og laget må venta i spenning på utfallet av andre kampar, både i eiga og i andre avdelingar, som avklarar om tysnesingane rykkjer direkte opp til 6. divisjon, eller må ut i kvalifiseringskampar om opprykk.

Trenar Thomas Hagen fekk beskjeden torsdag kveld, og er skuffa over at det ikkje vert kamp for Njardar i helga.

– Dei sa at dei ikkje hadde folk, men eg trur det handlar meir om at dei ikkje gidd å reisa til Tysnes for å bli knust av det beste offensive laget i ligaen, seier trenaren med glimt i auget.

Njardar har gjennom heile sesongen hatt ambisjonar om opprykk, og avhengig av andre resultat kan laget framleis rykka direkte opp sjølv om dei endar på andreplass i avdelinga. Om dei ikkje rykkjer direkte opp, er dei i det minste allereie sikra kvalikk-kampar.

Trenaren har uansett tru på opprykk, men vert ikkje skuffa om laget må spela kvalifisering.

– No håpar eg nesten litt på playoff, så mer får spela fleire kampar, fortel Hagen.


Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...