TVILLINGAR: Ingvild og Alma Vermedal (12) synest TV-aksjonen er viktig for dei som fell utanfor samfunnet. (Alle foto: Vetle Mikkelsen)
TVILLINGAR: Ingvild og Alma Vermedal (12) synest TV-aksjonen er viktig for dei som fell utanfor samfunnet. (Alle foto: Vetle Mikkelsen)

– Dette er ein god måte å samla folk på

I dag fredag var det duka for fredagskafé i Tysneshallen, til inntekt for TV-aksjonen. Tysnes skule gjentok dermed suksessen frå i fjor.
Publisert 19.10.2018 kl. 15.14.

– Det er for TV-aksjonen til Kirkens Bymisjon. Me skal framføra nokre songar og så skal me dansa, fortel Ingvild Vermedal (12).

Det er fredagskaféen til Tysnes skule ho snakkar om. Til liks med i fjor sel nemleg skulen kaker, for å samla inn pengar til TV-aksjonen. I tillegg kjem kulturelle innslag frå elevane.

Sjuandeklassing Ingvild har tatt turen til Tysneshallen saman med tvillingsøster Alma.

– Dette er ein god måte å samla folk på, og så er det kjekt å gjera noko for dei som er litt utanfor samfunnet, seier Alma.


Godt med avveksling

– Kva skjer her i dag?

– Me slepp unna litt skule, spøker Henrik Harsvik Storetvedt (10).

– Me skal hjelpa dei som er fattige, og som kanskje ikkje har tak over hovudet, legg Hans Jakob Dalland Helland (10) til.

Dei to femteklassingane er einige om at det er greitt med eit avbrekk frå vanleg skule, og fortel vidare at dei og fleire andre har øvd på tre songar, som skal framførast på fredagskaféen.

– Kva er det beste med fredagskaféen?

– Å vera med vennar, seier Henrik.

– Kakene! gliser Hans Jakob.


Passande tematikk

– Temaet for TV-aksjonen i år fall me veldig for. Temaet er «mindre aleine saman», og det passar godt saman med skulen. Me jobbar jo for at alle skal føla seg inkluderte og velkomne, seier rektor ved Tysnes skule, Kari Pettersen.

For anledningar har mellomtrinnet sett opp bord og stolar i hallen, medan sjette og niande har stått for bakinga, ettersom dei har mat og helse på skulen. Ungdomstrinnet står for ryddinga etter arrangementet.

På eine sida av lokalet er det kakebuffet, medan det på andre sida er ordna med plass til songarar og dansarar.

– Det er første gong Tysnes skule har eit skulekor som skal opptre, kan arrangementskoordinator Anna Kristin Flornes avsløra.


Kulturellt påfyll

Den musikalske biten blir opna med eit songnummer av Jannike Berge Espevik og Marta Luna Santillana. Dei to ungdommane imponerer med kraftig stemmeprakt.

Deretter følgjer eit knippe elevar opp med amerikansk linedance, naturlegvis akkompagnert av countrymusikk.

Til sist blir programmet avslutta, ved at det nyopstarta skulekoret framfører «Sammen for livet», «Anne Knutsdotter» og «Heal the world».



FEMTEKLASSINGAR: Hans Jakob Dalland Helland og Henrik Harsvik Storetvedt var glade for eit avbrekk frå skulen.
FEMTEKLASSINGAR: Hans Jakob Dalland Helland og Henrik Harsvik Storetvedt var glade for eit avbrekk frå skulen.
BETALING: Nokre av elevane fekk ansvar for å stå i kassa.
BETALING: Nokre av elevane fekk ansvar for å stå i kassa.
HENDA I VERET: Før fredagskaféen, samla alle elevane seg for eit fellesbilete.
HENDA I VERET: Før fredagskaféen, samla alle elevane seg for eit fellesbilete.
GODT OPPMØTE: Det var mange frammøtte fredag.
GODT OPPMØTE: Det var mange frammøtte fredag.
KOR: I haust starta Tysnes skulekor opp. Fredag opptredde dei for første gong.
KOR: I haust starta Tysnes skulekor opp. Fredag opptredde dei for første gong.

Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...