SKAL INTERVJUAST: 3. november kjem BBC for å intervjua ordførar Kåre Martin Kleppe. (Arkivfoto: Vetle Mikkelsen)
SKAL INTERVJUAST: 3. november kjem BBC for å intervjua ordførar Kåre Martin Kleppe. (Arkivfoto: Vetle Mikkelsen)

BBC kjem for å intervjua ordføraren om ferjefri E39

Ein britisk radiokanal med ikring 30 millionar lyttarar verda rundt, kjem til Tysnes 3. november. Tema for dagen er E39.
Publisert 23.10.2018 kl. 08.55.

Etter å ha vore innom Teknologidagene i Trondheim, tar BBC World Radio turen innom Vestlandet og Tysnes, for å laga program om ferjefri E39. Dette melder Bergens Tidende.

BBC er ifølgje BT særskilt interesserte i kryssinga av Bjørnafjorden, og vil derfor blant anna intervjua Tysnes-ordførar Kåre Martin Kleppe og lokale folk på Tysnes.

Avisa nemner òg den store akademiske interessa for E39-prosjektet, og fortel at det for tida går føre seg om lag 50 ulike doktorgradsprosjekt eller postdoktorgradsprosjekt om vegstrekninga.

Ifølgje Kleppe skal radioteamet først få info frå Statens vegvesen, i høve det reint tekniske. Deretter kjem dei til Tysnes for å sjå nærmare på fjordkryssingar, og bru over Bjørnafjorden.

– BBC World Radio har eit stort nedslagsfelt. Det er ein ypparleg moglegheit for å marknadsføra prosjektet, og å marknadsføra Tysnes naturlegvis, seier Kleppe.


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.