INTIMKONSERT: Vidar Johnsen spelte på Mandelhuset laurdag.
INTIMKONSERT: Vidar Johnsen spelte på Mandelhuset laurdag.

– Det kan ikkje verta intimt nok

Vidar Johnsen hadde intimkonsert på Mandelhuset laurdag.
Publisert 28.10.2018 kl. 14.19. Oppdatert 31.10.2018 kl. 09.04.

Det var ikkje fullt på Mandelhuset laurdag kveld, men stemninga var god då Vidar Johnsen gjekk på scenen. Haugesund-artisten har vore mykje på Tysnes, og leverte laurdag ein ny flott intimkonsert i Våge.


Nye og gamle låtar

Johnsen gjekk aleine på scenen på Mandelhuset, og det vart ei tett og intim konsertoppleving med Johnsen og gitaren. Det var ein leken og lett tone, og artisten kom tett innpå publikummet i Festsalen.

Johnsen spelte eit variert program med både eigne og andre sine låtar, og med ulikt tempo og intensitet. Alt frå rolege og sarte «Ro», via Peter Gabriel-klassikaren «Book of Love», til den nye pop-prega hiten «Skjebnens Ironi».

Avslutninga vart det store høgdepunktet for publikum, då Johnsen fyrte opp Vamp-låtane «Tir N’a Noir», «Denne Uro» og «Månemannen». Johnsen var vokalist i Vamp mellom 1999 og 2006. I den perioden kom bandet med nokon av sine største hitar, og hadde sin største kommersielle suksess.


Nøgd hovudperson

– Eg har vore mykje på Tysnes og spelt, og eg hadde ikkje kome tilbake viss eg ikkje hadde likt å spela her, seier Johnsen sjølv etter konserten.

Han har stått på dei største scenane i landet, men trivst godt på den vesle scenen på Mandelhuset.

– Dette er kanskje den minste plassen eg speler, men det er alltid kjekt å koma hit, fortel han før han prater om skilnadane på å spela på ein stor scene med fullt band, og aleine med gitaren på Mandelhuset.

– Det vert ikkje den same konserten. Her vert det litt lausare snipp, meir uformelt og eg kjem tettare på publikum. For meg kan det ikkje verta intimt nok, fortel Johnsen.


Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...