SOLIST: Nick Hughes er solist på "With his first breath", som er ein av melodiane Tysnes musikklag skal framføra på Siddis Brass.
SOLIST: Nick Hughes er solist på "With his first breath", som er ein av melodiane Tysnes musikklag skal framføra på Siddis Brass.

Hausta applaus for Siddis-programmet

Tysnes musikklag gjer seg denne veka klar for Siddis Brass i Stavanger. Søndag varma dei opp for publikum i Tysneshallen.
Publisert 30.10.2018 kl. 15.30. Oppdatert kl. 15.43.

– Eg er nøgd med det me har fått til, fortel dirigent Yngve Nikolaisen.

Søndag leia han resten av musikklaget då dei spelte i Tysneshallen. Korpset framførte det same 20 minutt lange programmet som dei skal spela i konkurransen Siddis Brass komande laurdag.


Variert program

Framsyninga var open for alle, og nokre titals personar møtte fram for å få med seg minikonserten.

Dirigent Nikolaisen opna med å fortelja om programmet, som består av både rolege og vakre, og meir intense og kraftfulle melodiar.

Programmet består mellom anna av «Ragtime for horns» av Scott Joplin og «With his first breath» av Paul Lovatt-Cooper, sistnemnte med Nick Hughes som solist på kornett.

– Me starta med kornett-soloen når me sette saman programmet, og så fann me resten av musikken etterkvart.

Musikken vart framført til stor applaus frå dei frammøtte i Tysneshallen.


Siddis Brass

Til helga er det Siddis Brass som gjeld for musikk-gjengen. Siddis Brass omtalar seg sjølv som den viktigaste Brass-konkurransen i landet ved sida av norgesmeisterskapen.

Tysnes konkurrerer i 2. divisjon og vart nummer tre i fjor. Nikolaisen er spent før dei tek turen til Stavanger, og kva resultat dei kan oppnå.

– Det er veldig jamnt i 2. divisjon. Me fekk ein tredjeplass i fjor, men eg har eit nøkternt syn når det gjeld resultat, fortel han.

Nikolaisen var godt nøgd med det han høyrde søndag.

– Me har mange flinke og rutinerte folk, og me har lovande ungdomar, fortel han.


BRASS: Elisabeth Helgesen, Lena Epland Sløgedal og Else Marit Særsten hamna i fokus på stykket "Ragtime for horns".
BRASS: Elisabeth Helgesen, Lena Epland Sløgedal og Else Marit Særsten hamna i fokus på stykket "Ragtime for horns".
KONSERT: Tysnes musikklag inviterte til konsert i Tysneshallen søndag der dei framførte Siddis-programmet.
KONSERT: Tysnes musikklag inviterte til konsert i Tysneshallen søndag der dei framførte Siddis-programmet.

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...