I STAVANGER: Ventetida er over. Seint laurdag kveld er medlemene samla på hotellet for å opplesedet fantastiske resultatet. I midten ser me dirigent Yngve Nikolaisen og mangeårig medlem Olav Kalgraf. (Foto: Morten Haaland)
I STAVANGER: Ventetida er over. Seint laurdag kveld er medlemene samla på hotellet for å opplesedet fantastiske resultatet. I midten ser me dirigent Yngve Nikolaisen og mangeårig medlem Olav Kalgraf. (Foto: Morten Haaland)

Flott 1. plass til Tysnes musikklag i Siddis Brass

– Heilt fantastisk og uventa. Me er heilt overvelda, seier ein svært nøgd leiar i Tysnes musikklag, Lars Petter Epland, til «Tysnes» etter at resultata vart kjent i 22.30-tida laurdag kveld.
Publisert 03.11.2018 kl. 22.30. Oppdatert kl. 23.17.

Ikkje berre vann Tysnes andredivisjon. Dei stakk og av med solistprisen.

– Dette var veldig, veldig, veldig gøy. heldt den så nøgde musikklagsleiaren fram.

I fjor fekk Tysnes musikklag tredjeplass i 2. divisjon. I år hadde dei som mål, ifølgje Epland, å koma omlag midt på treet, det vil seia kring femteplass. Det var ti korps med i andre divisjon.

Tysnes musikklag spelte fire stykke.

– Dommarane må ha likt det me spelte, trur Epland, etter å ha vore på scenen og henta dei gjeve premiane.

Etter praten med «Tysnes» skundar han seg tilbake til hotellet for å treffa resten av gjengen – og feira innsatsen.

Det var den faste dirigenten, Yngve Nikolaisen, som leia korpset til ein flott 1. plass i 2. divisjon i Siddis Brass.

Underhaldningskonkurransen Siddis Brass er ved sida av det årlege norgesmeisterskapet i Bergen det viktigaste arrangement for norske brass band. Siddis Brass er eit fast innslag i Tysnes musikklag sitt årsprogram. I år gjekk dei heilt til topps i andredivisjon.

Siddis Brass går normalt av stabelen fyrste helga i november. Tysnes musikklag drog frå Tysnes fredag for å vera klare til å gå på scenen laurdag ettermiddag klokka 15.40.

Totalt vart det konkurrert i både elitedivisjon, fyrste, andre, tredje og fjerde divisjon.

Konkurransen går av stabelen i Bjergsted Musikksenter (Stavanger Konserthus, Musikkonservatoriet og Musikkskulen).

Kvart brassband framfører eit underholdningsprogram etter fritt valg innafor ei tidsramme på 20-25 minutt.

Siddis Brass ei massemønstring av brassband med mange flotte prestasjonar. Ole Skaten



HEILT I SKYENE: Tysnes musikklag hausta applaus for Siddis-programmet i Tysneshallen sist søndag. Det gjorde og solisten Nich Hughes (påbiletet). I Stavanger i dag laurdag gjekk det over all forventning. – Me er heilt i skyene, seier leiar Lars Petter Epland. (Foto i Tysnesallen: Øyvind Bjerkestrand)
HEILT I SKYENE: Tysnes musikklag hausta applaus for Siddis-programmet i Tysneshallen sist søndag. Det gjorde og solisten Nich Hughes (påbiletet). I Stavanger i dag laurdag gjekk det over all forventning. – Me er heilt i skyene, seier leiar Lars Petter Epland. (Foto i Tysnesallen: Øyvind Bjerkestrand)
JUBEL: Godt nøgde korpsmedlemer etter at resultatet var kjent for alle medlemene. (Foto: Morten Haaland)
JUBEL: Godt nøgde korpsmedlemer etter at resultatet var kjent for alle medlemene. (Foto: Morten Haaland)

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...