TOPPSCORAR: Brita Austvik fekk inn sju mål i kampen mot Fitjar på laurdag.
TOPPSCORAR: Brita Austvik fekk inn sju mål i kampen mot Fitjar på laurdag.

Ingen slår desse jentene

Laurdag tok Tysnes Jenter 15 sin fjerde strake siger.
Publisert 04.11.2018 kl. 14.47. Oppdatert kl. 15.58.

Med sluttresultatet 28-4 mot Fitjar, fekk jentene nok ein gong vist at dei er 1. plassen verdig. På fire kampar har det blitt fire sigrar – to av dei mot Fitjar, som har svært lite å stilla opp med i møte med tysnesingane.


Tidleg leiing

Tysnes var raskt oppe i leiinga, og fyrst etter fem minutt vart det nettkjenning for Fitjar, på straffe. Etter ti minutt spel stod det 7-2 på måltavla.

Så dabba det litt av for heimelaget, og andre halvdel av fyrste omgang var av det målfattige slaget. Til pause var stillinga 10-3.

– Me møter eit lag som ikkje er så godt, og har no ein del spelarar på banen som ikkje speler så mykje til vanleg, slik at dei får øvt seg i forskjellige posisjonar. Det går bra i periodar, men så stokkar det seg. Dei treng meir sjølvtillit, kommenterte trenar Geir Austvik før det var tid for 2. omgang.


Håpa på 30 mål

Då Tysnes spelte borte mot Fitjar i oktober, scora dei 28 mål (og Fitjar fem). Laurdag, på heimebane, enda målfangsten opp med å bli den same, men Tysnes sleppte inn eitt mål mindre.

– Me hadde vel håpa på 30 mål i dag, men dette var kjempebra, smiler Julia Rose Bautista Søreide etter storsigeren.

Også trenar Geir Austvik er godt fornøgd med resultatet.

– I 2. omgang vart det litt meir flyt og rytme. Då gjorde jentene det dei har øvt på.

Han peikar samstundes på at det er vanskeleg for dei å få vist kor gode dei er når motstanden er så liten.

– Sist kamp (mot Fana 2, red.mrk) var mykje meir spennande, seier trenaren, som er spent på resten av sesongen.

Neste søndag tek Tysnes Jenter 15 imot Kjøkkelvik – eit lag dei vann over med to mål i september.

Les også: Nytt tap for damelaget


Desse var med:

Emma Marie Bruntveit (2), Annica Reimdal Vee (4), Anette Christensen (1), Mia Jensen Nes, Maren Jensen Nes (1), Marita Fagerbakk Lunde (6), Elise Vermedal (1), Julia Rose Bautista Søreide (6), Synne Malkenes og Brita Austvik (7).


KONTRING: Her klinkar Julia Rose Bautista Søreide inn Tysnes sitt 23. mål mot slutten av kampen.
KONTRING: Her klinkar Julia Rose Bautista Søreide inn Tysnes sitt 23. mål mot slutten av kampen.
FYSISK SPORT: Elise Vermedal blir stoppa i angrep.
FYSISK SPORT: Elise Vermedal blir stoppa i angrep.

Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...