HJERTEFRED: Nick Hughes innleia Hjertefred-arrangemenet på Onarheim.
HJERTEFRED: Nick Hughes innleia Hjertefred-arrangemenet på Onarheim.

Stemningsfullt på Hjertefred på Onarheim

Laurdag fekk Nick Hughes solistpris på Siddis Brass i Stavanger. Søndag fekk han æra av å opna Hjertefred-arrangementet på OnarTun.
Publisert 05.11.2018 kl. 15.10.

Det var tett i tett med tilhøyrarar i foajéen på OnarTun då Nick Hughes opna Hjertefred søndag ettermiddag, akkompagnert av Noah på flygel. Nich var den fyrste av ei rekkje lokale artistar som deltok på dette stemningsfulle arrangementet i skumringa søndag ettermiddag.

Nick framførte «Gje meg handi di ven» på ein vakker måte og la med det grunnlaget for det fine arrangementet som Hjertefred vart.


Skrytte av atmosfæren

Initiativtakar Jannike Alvær Lie ynskte velkomen og informerte om programmet, og om himmelbreva som ein kunne skriva til sakna eller miste, og som ville bli brent på bålpannene utanfor etterpå. Ho fortalde også at dei hadde fått med seg mange flinke artistar til arrangementet.

– Eg håpar de får ei fin tid, sa ho.

Og det såg det ut som folk fekk.

– Det var eit behageleg innhald og ei flott ramme rundt arrangementet, seier Eli og Trygve Arntsen, som hadde teke turen frå Lunde.

Dei trekkjer fram at OnarTun er eit fint lokale for slike tilskipingar, med god akustikk og fin lyd.

Lykke Dalen hadde teke turen frå Uggdal.

– Heile atmosfæren var veldig fin. Den rolege og behagelege musikken gjorde at du kunne sitja med dine eigne tankar. Det var ei veldig fin ramme rundt arrangementet, seier ho.


Vakre tonar og vakker song

Fleire unge, lokale artistar fekk visa seg fram.

Etter at Nick hadde spelt «Count your blessing», kom dei unge på scenen i tur og orden: Julie Kristine Aarvik, Elise Sørhus Dalen og Jannike B. Espevik.

Julie Kristine framførte «All of me» og Elise «Vår beste dag», begge med gitar og flygel-akkompagnement av Eirik og Endre Hodneland. Deretter fekk me høyra Jannike framføra «Burning house» og «To make your feel my love».

Dei tre syntest var var veldig kjekt å få opptre på Hjertefred.

– Ja, det var veldig kjekt, seier Julie.

– Ja, og så var det veldig kjekt å bli spurt også, seier Elise.

– Og så er det veldig kjekt å få vera med når det er så mange flinke som er med, legg Jannike til.

Dei tre får gode omtalar av publikum etterpå.

– Dei var flinke. Og så er det flott at unge, lokale musikarar får anledning til å vera med på arrangement som dette, seier Eli og Trygve Arntsen.

Godt nøgd er også Lykke Dalen, bestemor til Elise. Ho skryt av ungdomane. Ho også synest det er flott at dei unge blir spurt.

– Det var flott å høyra på. Dei var flinke.


Avslutta kvelden

Marianne Tvedt og Jenny Kjellevold fekk æra av å avslutta programmet. Fyrst song Marianne «God morgen kjære», ein song som Benny Borg i si tid laga til si avdøde kone.

Programmet inne avslutta Marianne og Jenny med «Angel», «Feels like home» og «Vintersang» med akkompagnement av Eirik og Endre, før dei avslutta sitjande utanfor med «Å kunne æ skrive» i ei heilt spesiell ljosstemning.

Hjertefred skal vera eit arrangement der folk kan minnnast nokon dei har mista eller nokon ein saknar.

– Me har mista ei mor og ei svigermor. Dette er ein fin anledning å minnast nokon ein har mista, seier Eli og Trygve.

På bålpannene vart himmelbreva tente.



UNG ARTIST (1): Julie Kristine Aarvik framførte «All of me».
UNG ARTIST (1): Julie Kristine Aarvik framførte «All of me».
UNG ARTIST (2): Elise Sørhus Dalen framførte «Vår beste dag».
UNG ARTIST (2): Elise Sørhus Dalen framførte «Vår beste dag».
UNG ARTIST (3): Jannike Berge Espevik framførte «Burning house» og «To make your feel my love».
UNG ARTIST (3): Jannike Berge Espevik framførte «Burning house» og «To make your feel my love».
UTE OG INNE: Marianne Tvedt (t.v.) og Jenny Kjellevold framførte fleire songar.
UTE OG INNE: Marianne Tvedt (t.v.) og Jenny Kjellevold framførte fleire songar.
STEMNING: Det var ei stemningsfull stund på Onarheim, både inne og ute.
STEMNING: Det var ei stemningsfull stund på Onarheim, både inne og ute.

Siste saker Gå til framsida

Premierte ivrige turgåarar

Anne Britt Onarheim vann gåvekort på 1.000 kroner, medan Viljar Olai Skaten vann hovudgevinsten på 2.000 kroner.

– Det er kjekt å koma heim att

Nokon fedrar er vekke mellom åtte og fire kvar dag. Nokon er vekke to veker i Nordsjøen. Christer Helland er vekke to månadar om gongen.

Har fått fornya tillit

8. november signerte Norconsult AS og Dr.techn. Olav Olsen AS kontrakt på «Konseptutredning flytebru E39 Bjørnafjorden».

Debatt: Ope brev til politikarane i Tysnes kommune

Allereie for 12 år sidan, byrja ein å snakka om bygging av ny barnehage for Uggdal/Våge. Barn og vaksne i Stjernereiso barnehage/Vågsmarka barnehage lever framleis i uvisse om når eit slikt bygg eventuelt kjem. Modulane på Reiso er eit mellombels bygg, og no i haust har me vore der i seks år. Det er eit lite hensiktsmessig bygg for barnehagedrift, og me må dagleg handtera dei fysiske...