PÅ BOK-JAKT: F.v. Tobias Espevik, Elias Aleksander Flakke og Henrik Matre om bord på bokbåten eit tidlegare år. (Arkivfoto)
PÅ BOK-JAKT: F.v. Tobias Espevik, Elias Aleksander Flakke og Henrik Matre om bord på bokbåten eit tidlegare år. (Arkivfoto)

Bokbåten er tilbake

I dag tysdag kjem «Epos» til Bruntveit.
Publisert 06.11.2018 kl. 13.59. Oppdatert kl. 14.04.

Det flytande biblioteket har byrja på haustturen sin, og skal tradisjonen tru klappa til kai både ved Bruntveit, Lunde og Onarheim. Ruteprogrammet finn ein på bokbaten.no.

Den populære båten har blitt lasta med nye og gamle bøker, lydbøker og kulturelle opplevingar. På Tysnes blir det program om bord både ved Lunde og Onarheim, der born og unge vil få innblikk i norrøne og greske gudesegn ved Marianne Stenerud og Ingunaya Myhre.

– Det er alltid stas når bokbåten legg til kai. Personalet om bord gler seg til å ta imot både små og store, melder dei bokbåtansvarlege.

I fjor var det kring 4.500 personar som var innom bokbåten i Hordaland – ein liten auke frå året før.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.