JUBILANT: Bodil Skaaheim feira 60-årsdagen med ei heilt spesiell konsertoppleving.
JUBILANT: Bodil Skaaheim feira 60-årsdagen med ei heilt spesiell konsertoppleving.

Bodil (60) feira bursdagen med Tor Endresen-konsert

Laurdag kveld var det stinn brakke på Mandelhuset. Tor Endresen-fans i alle aldrar hadde tatt turen.
Publisert 11.11.2018 kl. 10.00.

– Eg fekk konserten i bursdagspresang, sa Bodil Skaaheim (60) til «Tysnes».

Ho fylte 60 for litt under to veker sidan, og laurdag skulle ho feira bursdagen med ein konsert med storsjarmøren Tor Endresen.

– Eg har høyrt veldig mykje på han. Han er like gammal som meg, fortalde Skaaheim.

Favorittsongen hennar av Tor Endresen er «You Raise Me Up».

– Billettane blei bestilt i juni, byrjar Skaaheim, før ei venninne avbraut ho og sa:

– Dei blei bestilt i mars, men det visste ikkje ho noko om.


Den yngre garde

Også Kristi Pedersen (21) hadde tatt turen til Mandelhuset laurdag.

– Har du høyrt mykje på Tor Endresen?

– Han er ikkje det eg høyrer mest på, men han har fine songar. Eg trur det blir ei fin konsertoppleving, smilte Pedersen.

Ho fortalde at ho ikkje har ein favorittsong som peikar seg ut, men at ho liker litt av kvart av musikken til Endresen.

– Trur du at du er den yngste i publikum?

– Kanskje, lo Pedersen.


Frå Austevoll

Rebekka Rabben (26) frå Austevoll og kjærast Martin Restad (32) frå Tysnes var òg blant publikummarane laurdag.

Rabben hadde kome eins ærend frå Bekkjarvik for å vera med på konserten.

– Tor Endresen, ja. Stor fan, sa Rabben med glimt i augo.

Av Tor Endresen sine songar, likte både Rabben og Restad «La regnet øse ned» best.

– Eg håper på eit stort show, sa Restad.


Godt å vera tilbake

Så var showet i gang.

– Det er veldig hyggeleg å vera tilbake på Mandelhuset, innleia Endresen.

Han spøkte litt rundt seg sjølv og musikarane han hadde med seg for kvelden.

– Me er vel ein slags amputert versjon av Ausekarane, sa han.

Det hadde heller ikkje gått han hus forbi at det var ein som nettopp hadde fylt år i rommet.

– Det er ein jubilant i salen. Bodil, er du her? spurde han.

Endresen sa at han naturlegvis kom til å spela bursdagssongen, men men først dedikerte han kveldens første song til Bodil:

– Denne songen handlar om at skjønnheit er på innsida, men eg ser jo at den er på utsida òg, sa Endresen, før han byrja å synga.

– Ingen er så nydeleg som du, Bodil, song storsjarmøren frå Bergen.


UNGDOM: Kristi Pedersen (21) var med på å dra ned aldersgjennomsnittet i salen.
UNGDOM: Kristi Pedersen (21) var med på å dra ned aldersgjennomsnittet i salen.
KJÆRASTAR: Rebekka Rabben (26) og Martin Restad (32) var klare for konsert, då «Tysnes» snakka med dei.
KJÆRASTAR: Rebekka Rabben (26) og Martin Restad (32) var klare for konsert, då «Tysnes» snakka med dei.
HOVUDPERSONEN: Tor Endresen gjekk på scena, og starta kvelden med «Ingen er så nydelig som du».
HOVUDPERSONEN: Tor Endresen gjekk på scena, og starta kvelden med «Ingen er så nydelig som du».

Siste saker Gå til framsida

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...

Debatt: – Vi kjøpte ikke for å drive hotell

Vi har satt i gang en prosess hvor vi ønsker å regulere eiendommen til hyttetomter og et leilighetsbygg. Prosjektet er fortsatt i en veldig tidlig fase. I forbindelse med den påbegynte reguleringsplanen hadde bladet Tysnes en artikkel om prosjektet. Vi redegjør der i korte trekk for hva vi ønsker med...