KLARE FOR NY KONSERT: Tysnes kammerkor i Stavanger domkyrkje tidlegare i år. (Foto: Tysnes kammerkor)
KLARE FOR NY KONSERT: Tysnes kammerkor i Stavanger domkyrkje tidlegare i år. (Foto: Tysnes kammerkor)

Tysnes kammerkor gjer det igjen

Enno ein gong går koret saman med eit anna kor for å laga ei mest mogeleg variert konsertoppleving.
Publisert 13.11.2018 kl. 06.00.

Denne gongen er det Strandebarm songlag som slår seg saman med tysnesingane, og søndag 18. november lovar dei to kora ein stemningsfull konsert i kyrkja på Onarheim. Dagen før held dei konsert i Strandebarm kyrkje.

– Å halda førjulskonsert, inneber at ein i tillegg til julesongar vil by på andre sjangrar. Denne gongen vil det bli ein del overraskingar som vil gleda publikum, lokkar Ingunn Myklebust i Tysnes kammerkor.

Kora kan nemleg freista med alt frå tradisjonelle julesongar til låtar av både Sting og Coldplay.

– Dette må ikkje korinteresserte publikummarar gå glipp av, seier Myklebust.

I år er det 25 år sidan «Kor som helst» (No Tysnes kammerkor) vart danna. Myklebust fortel at dei har halde minimum to konsertar årleg, og at dei etterkvart har opparbeidd seg eit stort repertoar. Det same har Strandebarm songlag, som vart stifta for 51 år sidan. Koret er med andre ord meir enn dobbbelt så gamalt som Tysnes kammerkor.

– Men medlemmene er ikkje dobbelt så gamle. Kora kan nesten samanliknast både i alder, repertoar og aktivitetsfrekvens, fortel Myklebust, som ønskjer alle velkomne til konsert i Strandebarm og Onarheim kyrkje.


Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...