UNG KUNSTNAR: Synne Dalland (14) hadde teikna og måla fleire av bileta som hang på veggen, inkludert det ho er avbilda med her.
UNG KUNSTNAR: Synne Dalland (14) hadde teikna og måla fleire av bileta som hang på veggen, inkludert det ho er avbilda med her.

– Det er litt gøy at dei kan sjå kva me har laga

Onsdag inviterte Tysnes skulekorps og Tysnes kulturskule til familiekonsert og kunstutstilling.
Publisert 15.11.2018 kl. 12.09.

I Tysneshallen trefte journalisten på Synne Dalland (14).

– Kva er det du liker så godt med å teikna og måla?

– Eg veit ikkje heilt, men eg liker det. Eg har teikna på kulturskulen, sa Synne.

– Kva synest du om at vennar og familie kjem for å sjå på?

– Det er litt gøy at dei kan sjå kva me har laga, sa Synne med eit smil om munnen.


Sosialt og kjekt

Blant dei frammøtte i hallen var òg tre glade korpsjenter.

– Det beste med korpset er når du speler og får det til! sa Justine Balode (13).

– Eg synest det beste er å vera sosial, sa Lillian Luth-Hanssen(14).

– Det beste er å spela og bli betre, smilte Elisabeth Helgesen (14).

Dei tre er alle aktive i skulekorpset på Tysnes. Justine speler solokornett, Lillian kornett og Elisabeth horn.

– Me skal spela programmet vårt til laurdag. Det skal me òg spela på Bømloblåsen. Dit skal me på laurdag, sa Lillian.

Ho la til at ho syntest det var koseleg å spela for familie og kjente.

– Men det er litt pinleg òg. Dei berre stirrar på deg, og filmar deg og sånt, lo Justine.


Dyktig skulekorps

Tysnes skulekorps har fleire gongar gjort det bra på den nasjonale scena. Blant anna tok dei førsteplassen i korps-NM tidlegare i år.

Ikkje overraskande gjorde dei òg ein god profil under konserten i Tysneshallen onsdag kveld.

Tysnes skulekorps er tydeleg heilt klare, både for Bømloblåsen i helga og for å spela i andredivisjon i neste korps-NM.


KORPSJENTER: Elisabeth Helgesen (14), Justine Balode (13) og Lillian Luth-Hanssen (14) speler alle i Tysnes skulekorps.
KORPSJENTER: Elisabeth Helgesen (14), Justine Balode (13) og Lillian Luth-Hanssen (14) speler alle i Tysnes skulekorps.
FOLKSAMT: Det var mange frammøtte i Tysneshallen onsdag.
FOLKSAMT: Det var mange frammøtte i Tysneshallen onsdag.
KORPSET: Tysnes skulekorps spelte for pubikum.
KORPSET: Tysnes skulekorps spelte for pubikum.

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...