JULEMARKNAD: Det blir mykje ulikt å sjå på marknaden, blant anna ymse julepynt. (Foto: Vetle Mikkelsen)
JULEMARKNAD: Det blir mykje ulikt å sjå på marknaden, blant anna ymse julepynt. (Foto: Vetle Mikkelsen)

Inviterer til julemarknad i Våge

I sommar starta Sanita Balode og Marit Dyrnes atelier og gjenbruksbutikk. Til helga inviterer dei til julemarknad i same lokale.
Publisert 15.11.2018 kl. 18.00.

– Det blir julemarknad laurdag og søndag, seier Marit Dyrnes, som er den som har hovudansvaret for marknaden til helga.

Sjølve marknaden vil finna stad i lokala til «Marits redesign og Sanitas atelier» i Våge, der Marit saman med Sanita Balode hadde butikk i sommar.


Forskjellig handverk

Fleire ulike aktørar blir å finna på julemarknaden; felles for dei alle er at dei driv med kunst eller handverk.

– Du har meg som driv med gjenbruk som blant anna lagar julekransar, fortel Dyrnes.

Sanita Balode vil bidra med eigne måleri.

I tillegg kjem Gunvor Regine Lunde, som lagar barnetøy og ymse husflideffektar, og Anne-Sofie Flatråker, som er dyktig på lappeteknikk.

Gunn Berit Nødland bidrar med bakst og husflidseffektar.– Og så kjem det to litt yngre, Anna Kvamme og Celine Vevatne Lunde, seier Marit. Celine skal bidra med saum, medan Anna strikkar barneklede.


Vil visa fram produkt

Ifølgje Marit er marknaden ein arena der dei ulike deltakarane får moglegheita til å visa fram og selja varene sine.

– Me lagar jo mykje forskjellig, så me vil visa fram det me driv med, seier ho.

Sjølv har Marit drive med gjenbruk i fleire tiår, og ho er glad for at det no er litt i vinden.


Laber sesong

– Korleis har sesongen vore for «Marits redesign og Sanitas atelier»?

– Me synest det har vore lite folk i Våge i år, seier Marit.

Ho trur vêret kan ha hatt ein del å seia.

– Folk var nok heime eller på sjøen. Me er jo litt underernært på sol her på Vestlandet.

Men sjølv om dei ikkje hadde altfor mange kundar i sesongen, var responsen frå dei som var innom positiv, ifølgje Marit.


Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.