FRAMFØRING: Korpset har øvd mykje og framførte laurdag fire stykke i Bømloblåsen.
FRAMFØRING: Korpset har øvd mykje og framførte laurdag fire stykke i Bømloblåsen.

Sesongens fyrste konkurranse for skulekorpset

Tysnes skulekorps reiste laurdag til Bømlo for å delta på Bømloblåsen.
Publisert 18.11.2018 kl. 10.00. Oppdatert kl. 11.42.

Klokka halv tolv var Tysnes skulekorps på scenen for å opptre med fire stykke i andre divisjon.

Bømloblåsen har i mange år vore ein tradisjon for Tysnes skulekorps å delta i.

Det har vore mykje øving fram mot konkurransen fortel Hedvig Lunde (10) som spelar kornett.

– Det har vore både gøy og ikkje så gøy, forsett ho.

Hilda Særsten Stien (10) spelar tuba og er einig med Hedvig då ho fortel at ho ikkje var særleg nervøs for opptredenen.

– Korleis var det å gå ut på scenen?

– Ikkje særlig skummelt. Eg var berre redd for å mista alle tinga mine, ler Hilda.

Jentene meiner begge at korpset spelte mykje betre enn dei har gjort på øvingane.

Dirigent Nick Hughes er svært nøgd med innsatsen til musikantane.

Etter framføringa hadde musikantane eit par timar før festkonserten. Dei hadde då moglegheit for å handla litt og eta pizza på Pizzabakeren.

Klokka halv fire starta festkonserten og resultata var klare. Musikantane Vetle Belt (9) og Justine Balode (13) gjekk opp på scena for å motta premie og plassering. Dei fekk femte plass, men hadde gjerne håpa på ei litt betre plassering. Likevel er dei nøgde med dagens gjennomføring.

– Eg er litt skuffa over plasseringa, men eg er svært nøgd med korleis dei spelte, fortel dirigenten.

Sidan tysnesingane vann tredje divisjon i NM dette året, rykkjer dei opp til andre divisjon neste år. Hughes er derfor glad for at musikantane fekk spela mot flinke skulekorps i dag.

– Me har eit ungt korps i år, så dette lovar bra for framtida, avsluttar han.



GLER SEG TIL RESULTATA: Hedvig Lunde (10) og Hilda Særsten Stien (10) synest korpset spelte betre enn dei har gjort tidlegare og er svært nøgde.
GLER SEG TIL RESULTATA: Hedvig Lunde (10) og Hilda Særsten Stien (10) synest korpset spelte betre enn dei har gjort tidlegare og er svært nøgde.
PREMIEUTDELING: Vetle Belt (9) (i kvit) og Justine Balode (13) (i raud) mottar resultata under festkonserten.
PREMIEUTDELING: Vetle Belt (9) (i kvit) og Justine Balode (13) (i raud) mottar resultata under festkonserten.

Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.