O HELGA NATT: Trygve Arntsen spelte saksofon til songen  "O Helga natt".
O HELGA NATT: Trygve Arntsen spelte saksofon til songen "O Helga natt".

Stemningsfull førjulskonsert

Tysnes Kammerkor og Strandebarm Songlag leverte ein variert førjulskonsert i Onarheim kyrkje søndag ettermiddag.
Publisert 19.11.2018 kl. 11.00.

Det var Strandebarm Songlag som opna konserten. Dei framførte ei rekkje songar i ulike sjangrar – frå norske julesongar til «Viva La Vida» av popgruppa Coldplay. Dirigent Torgeir Kinne Solsvik akkompagnerte koret på piano.

Strandebarm Songlag er eit aktivt kor som har arrangert fleire konsertar, både åleine og saman med andre kor. I vår deltok dei også på «Stafettkonsert» i Norheimsund. Dei øver kvar veke på Strandebarm skule. Koret vart oppretta for over 50 år sidan, og har no 33 medlemmar. Dei hadde ein fantastisk klang og song klokkereint. Dei imponerte stort.

Halvvegs i konserten overtok Tysnes Kammerkor. Programmet deira var også variert, med solistar både på song og instrument. Trygve Arntsen og Trent Bruner framførte ein flott «O Helga natt» på saksofon og piano.

Dei to kora avslutta førjulskonserten med fellessongen «Kyrie Eleison». Det var utdeling av blomar til dirigentane før dei takka for seg. Etter konserten var det mykje skryt å høyra blant publikum.



GJESTEKOR: Strandebarm Songlag med dirigent Torgeir Kinne Solsvik.
GJESTEKOR: Strandebarm Songlag med dirigent Torgeir Kinne Solsvik.
SOLIST: Tysnes Kammerkor hadde fleire solistar, blant anna Lise Skjåk Dalen (i midten).
SOLIST: Tysnes Kammerkor hadde fleire solistar, blant anna Lise Skjåk Dalen (i midten).

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...