TREBARNSMOR: Therese Knapskaug er mamma til tre jenter. Her leikar ho med yngstedottera Mia på seks månadar og vesle Stine Kaldefoss Gjøvåg, også på seks månadar. (Foto: Vetle Mikkelsen)
TREBARNSMOR: Therese Knapskaug er mamma til tre jenter. Her leikar ho med yngstedottera Mia på seks månadar og vesle Stine Kaldefoss Gjøvåg, også på seks månadar. (Foto: Vetle Mikkelsen)

Ein stad å diskutera gleder og frustrasjonar

Torsdag blei festsalen på Mandelhuset fylt opp av eit noko uvanleg klientell. Tida var inne for barselstreff.
Publisert 23.11.2018 kl. 06.00. Oppdatert kl. 14.03.

– Her kan me møtast og diskutera gleder og frustrasjonar, seier Therese Knapskaug.

På golvet framfor ho ligg dottera Mia Amland (6 månadar) saman med vesle Stine Kaldefoss Gjøvåg (6 månadar); sikkert blant dei yngste gjestene på Mandelhuset denne veka.

– Og så får me god mat og kaffi, smiler Therese.

Det er seks månadar sidan Mia kom til verda. Med to jenter frå før av, gjekk Therese dermed inn i tilværet som trebarnsmor.

– Det har vore kjempekoseleg, men masse arbeid, seier Therese.


Utvekslar erfaringar

– Me kan spørja kvarandre om ulike ting, seier Ina Kaldefoss, mor til vesle Stine.

Initiativtakar til barseltreffet er Malin Kongsvik.

– Eg har for lita stove til å samla alle heime, fortel Malin.

Derfor spurde ho Patrick Madsen om Mandelhuset var ein mogleg plass å arrangera barseltreff. Det skulle visa seg å bli ein suksess, for festsalen på Mandelhuset er smekkfull av mødrer denne torsdags føremiddagen.


Gøy å sjå barna leika

Ifølgje Malin er hovudpoenget med treffet at mødrene skal få sjansen til å bli kjent med kvarandre, sidan dei har barn i same kull.

– Og så er det gøy å sjå barna leika saman, seier ho.

– Eller, dei er vel ikkje gamle nok til å leika skikkeleg med kvarandre, men ein ser at dei er interesserte i kvarandre, ler Malin.


Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.