SUSTE AV GARDE: Emilie Lunde fekk sitja på i NASA sitt romskip. (Alle foto: Camilla Korsnes)
SUSTE AV GARDE: Emilie Lunde fekk sitja på i NASA sitt romskip. (Alle foto: Camilla Korsnes)

Med kurs mot stjernene

Tysdag opna sanserommet i Lunde barnehage. Då fekk barna seg ein tur ut i verdsrommet.
Publisert 23.11.2018 kl. 06.00.

Sidan 2017 har alle barnehagane i Tysnes vore med i eit prosjekt kalla DigiSus, der barnehagane har fått i oppgåve å laga sanserom for ungane.

Prosjektet har som mål å forska på digitale hjelpemidlar i barnehagane.

«Tysnes» har tidlegare vore innom sanserommet i Stjernereiso barnehage.


Har fått mystiske brev

Tysdag var det Lunde barnehage sin tur.

Her har barna den siste tida fått mystiske brev frå forskar Fredriksen og professor Pedersen.

Ifølgje breva er Fredriksen og Pedersen tilsette i NASA, den amerikanske organisasjonen for romfart og forsking på verdsrommet.

«Tysnes» møtte barna, då dei skulle lesa opp nok eit brev frå dei to romforskarane. Brevet blei lese opp av Kirsti Aksnes, doktorgradstipendiat ved Høgskulen på Vestlandet og forskar i DigiSus-prosjektet.

I brevet kom det fram at forskar Fredriksen og professor Pedersen trong hjelp frå ekspertar. Ifølgje brevet var det nettopp barna i Lunde barnehage som hadde den nødvendige ekspertisen.


Ut mot verdsrommet

Deretter gjekk barna opp i andreetasjen, der sanserommet er plassert.

For å koma seg inn, måtte barna bruka plater med folie, for å skapa ein elektrisk krins, slik at dei kunne få ringeklokkene på døra til å fungera skikkeleg.Då blei dei ønskt velkomen av dei to forskarane.

– Me prøver å koma oss til universet. Kan de hjelpa? spurde den eine.

Vel inne, fekk barna mange nye sanseinntrykk. Blant anna kunne dei stikka hendene i ei slags krukke med «månevatn», som laga lyd når dei kom i kontakt med dette.

Vassbehaldaren var nemleg, til liks med fleire andre ting i rommet, kopla til PCen, slik at det laga lyd når barna kom borti.


Fann månesteinar

I verdsrommet fann barna blant anna nokre magiske månesteinar, som forskarane skulle forska nærmare på seinare.

Barnehageelev Emilie Lunde blei svært opprømt av funna.

– Eg fann ein stein! Den var grønn, sa ho til «Tysnes», vel ute av sanserommet.


BREV: Lykke Gudmundsen (t.v.) og Oliver Løvaas Helland følgjer spent med når Kirsti Aksnes opnar eit brev frå NASA.
BREV: Lykke Gudmundsen (t.v.) og Oliver Løvaas Helland følgjer spent med når Kirsti Aksnes opnar eit brev frå NASA.
EKSPERTAR: Her prøver Emilie Lunde (f.v.), Tuva Hauge Hansen og Josefine Schmidt Ludvigsen å ringa på døra til laboratoriet. Bak sit Kirsti Aksnes.
EKSPERTAR: Her prøver Emilie Lunde (f.v.), Tuva Hauge Hansen og Josefine Schmidt Ludvigsen å ringa på døra til laboratoriet. Bak sit Kirsti Aksnes.
I LABORATORIET: Under dette bordet var det «månevatn», som barna fekk kjenna på.
I LABORATORIET: Under dette bordet var det «månevatn», som barna fekk kjenna på.
ARTIGE KARAKTERAR. Utkledde som rakettforskarar var Lovise Dalland og Anja Totlandsdal ei oppleving i seg sjølve.
ARTIGE KARAKTERAR. Utkledde som rakettforskarar var Lovise Dalland og Anja Totlandsdal ei oppleving i seg sjølve.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...