NÆRINGSSAMLING: Ordførar Kåre Martin Kleppe inviterte til næringssamling på Haaheim onsdag.
NÆRINGSSAMLING: Ordførar Kåre Martin Kleppe inviterte til næringssamling på Haaheim onsdag.

Inspirerande næringsforedrag for Tysnes-gründarar

Tysnes kommune og Atheno arrangerte onsdag næringssamling på Haaheim til inspirasjon for Tysnes-bedriftar.
Publisert 24.11.2018 kl. 14.19.

– Det er andre gongen me arrangerer næringssamling, fortel ordførar Kåre Martin Kleppe.

Onsdag leia han næringssamlinga på Haaheim Gaard. Arrangementet var eit samarbeid mellom kommunen og Atheno. Sistnemnte er eit selskap som arbeider med å leggja til rette og hjelpa bedriftar i Sunnhordlands-regionen.

Kring 25 nye og etablerte Tysnes-gründarar møtte fram for å høyra på inspirerande foredrag frå etablerte bedriftar i kommunen.

– Det var eit godt frammøte med tanke på den korte påmeldingstida, fortel ordføraren.


Foredrag

Det var ei lang liste med foredragshaldarar som stod på programmet til næringssamlinga. Fyrst ute var Haaheim-leiar Torstein Hatlevik, som fortalde om Haaheim sin markedsføringsstrategi etter at dei mista ein tredjedel av kundane sine etter oljekrisa i 2014.

– Me lagde ein strategi, og auka omsetnaden same året, sa Hatlevik til forsamlinga.

Vidare var banksjef Dag Sandstå på plass for å prata om korleis Tysnes Sparebank ikkje berre har overlevd som lokalbank, men også vakse og spreidd seg utover regionen.

I tillegg var Per Terje Tveit frå Heis-Tek til stades, det same var Tommy Hansen som driv enkeltmannsforetaket Hansen Blogg og Betong.

Hansen prata om bakgrunnen for firmaet og det spesielle firmanamnet.

– Det starta vel eigentleg mest som ein spøk med nokre løgne videoar på facebook og snapchat, sa Hansen, før han fortalde at han no ikkje har mykje tid til blogging grunna mange støypeoppdrag.


Inspirerande

Ein av dei som var til stades for å høyra på dei etablerte bedriftsleiarane, var Jonas Gustavsson. Han starta opp firmaet Tysnes Hus og Hage i vår, og fekk god inspirasjon på næringssamlinga onsdag.

– Foredragshaldarene var kjempeflinke, og det var veldig interessant å høyra på. Det er kjekt at dei tek seg tid til dette. Det var veldig inspirerande, seier Gustavsson.

Han kan også røpa at ting går bra med eige firma.

– Det går veldig bra. Eg får så mange oppdrag at eg må byrja å seia nei, og det er ikkje noko eg liker. Det er eit luksusproblem, fortel Gustavsson.

Ordførar Kleppe er også godt nøgd med samlinga.

– Eg er kjempefornøgd. Dette var heilt supert. Me har flotte og dyktige folk som helde foredrag, og eg må retta ein stor takk til Haaheim som tek imot oss, seier Kleppe.


GODT FRAMMØTE: Kring 25 personar hadde meldt seg på samlinga, og fekk høyra mange inspirerande foredrag.
GODT FRAMMØTE: Kring 25 personar hadde meldt seg på samlinga, og fekk høyra mange inspirerande foredrag.
BANKSJEF: Dag Sandstå fortalte om korleis Tysnes Sparebank snudde ein usikker situasjon til vekst og nye filialar.
BANKSJEF: Dag Sandstå fortalte om korleis Tysnes Sparebank snudde ein usikker situasjon til vekst og nye filialar.

Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...