AVVENTANDE: Kva trinn som bør vera på Tysnes skule, vil Øystein Flakke og KrF venta med å diskutera til neste grundige rullering av skulebruksplanen. (Begge foto: Camilla Korsnes)
AVVENTANDE: Kva trinn som bør vera på Tysnes skule, vil Øystein Flakke og KrF venta med å diskutera til neste grundige rullering av skulebruksplanen. (Begge foto: Camilla Korsnes)

Debatt: Skulesentralisering?

Publisert 26.11.2018 kl. 06.00.

Øystein Dalland og Senter-partiet jagar på for å skissera ny skulebruksplan via debatt-sidene i bladet Tysnes. At Senterpartiet ynskjer ny 1-4 ved Tysnes skule er jo kjent, men det blir mange usikre tal i likningane som vert presentert for å argumentera for eigen politikk.

I formannskapet har Senter-partiet informert på ein grei måte at dei ynskjer å byggja ny 1-4 klasse ved Tysnes skule ved anledning. No er alle parti i Tysnes einige om at det er nytt mellomtrinn som står på trappene, og det med ein veldig krevjande kostnad. Ved val av alternativ skisse 2, vil det verta avsett plass til ein mogleg ny framtidig 1-4 ved Tysnes skule. Sånn sett vil den komande utbygginga ved Tysnes skule leggja til rette for at Senterpartiet seinare kan få sin vilje.

Men, la oss ta den diskusjonen ved neste grundige rullering av skulebruksplanen. Då får me fakta på bordet, og ikkje synsingar. No har me hendene fulle med dyrt nytt mellomtrinn, samt full barnehage på Onarheim og krevjande lang smal veg til «avlastings-barnehage» i Lunde. Barneskulen på Reiso er rett godkjent for 110 elevar, men det er frå den tida Stjernereiso og hadde avdeling i skulen. No er den ute, og dei ledige areala er tatt i bruk til blant anna grupperom. Ja, det er mange elevar på Reiso, men me opplever at det er ein godt fungerande skule. Rådmannen har heller ikkje meldt om noko raudt lys der, og kva val har me no?

Med eit mellomtrinn ved Tysnes skule som auka med førti millioner i forhold til det me hadde lagt inn i investeringsbudsjettet, må me vita å setja pris på det me har som er bra. Heller det, enn å fyra opp stemninga med at det er krise. For kvar million ekstra me må låna og betala renter for, misser me hender som skal arbeida for innbyggarane våre. Det er i den daglege drifta at verdiskapinga og tenesteytinga i kommunen foregår. Ved å tyna investeringane for mykje opp, misser me mange utførande hender.

Me vart utfordra på konkret levetid ved Stjernereiso barnehage, men der kan me ikkje lova noko nybygg enno. Dette vil det og vera naturleg å koma tilbake til ved rullering av skulebruksplanen.


Siste saker Gå til framsida

Lesarbrev: Ja til norsk natur og ja til klimatiltak

Verden står i dag overfor to hovedutfordringer: klimautfordringen og tap av natur. For Norges Jeger- og Fiskerforbund Hordaland er det viktig at vi tar begge utfordringene på alvor. Vi må ta vare på naturen samtidig som vi støtter opp om tiltak for å håndtere klimautfordringene. Vår natur er leveområdet for planter, dyr og fisk. Den er også arena for friluftsliv til glede for folk...

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...