OPNAR DØRENE: For femte året på rad inviterer Helge Drange til julemarknad i Kulturløo. (Arkivbilde)
OPNAR DØRENE: For femte året på rad inviterer Helge Drange til julemarknad i Kulturløo. (Arkivbilde)

Inviterer til julemarknad for femte gong

Laurdag er det duka for julemarknad i Kulturløo på Drange. Helge Drange ønskjer som vanleg å skapa ei heilt spesiell stemning.
Publisert 28.11.2018 kl. 06.00.

– Dette er femte året me har julemarknad. Me prøver å gjera det til ein tradisjon, seier Helge Drange.

Som vanleg har dei arrangementet dagen før første søndag i advent. I år blir det første desember, altså førstkommande laurdag.


Lokalt handverk

– Me har kvart år prøvd å ha produkt med ei tilknytting til Tysnes, seier Drange.

I år er ikkje eit unntak. Dei fleste produkta er frå Tysnes, eller har ei tilknytting til Tysnes.

– Og så sel me berre handverk, fortel Drange.

Det blir servering av gløgg, kaffi og noko å bita i.


Noko for alle

I tillegg til marknad for dei vaksne, vil det òg vera eit tilbod for barna.

– Me skal leita etter låvenissen. Og så kan ein teikna og laga julestjerner, seier Drange.

Han meiner òg at dei kan tilby ei heilt spesiell julestemning, sidan marknaden vil finna stad i gardsmuseet til han og kona.

– Eg trur høgdepunktet kjem til å bli julestemninga i løa, avsluttar Drange.


Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.