STORFINT BESØK: I dag kan unge Tysnes-jenter gle seg til å møta Thea Stankiewicz (innfelt) og Julie Lygren. (Foto: Camilla Korsnes/Tertnes Håndball)
STORFINT BESØK: I dag kan unge Tysnes-jenter gle seg til å møta Thea Stankiewicz (innfelt) og Julie Lygren. (Foto: Camilla Korsnes/Tertnes Håndball)

Dyktige Tertnes-spelarar til Tysneshallen

Torsdag ettermiddag (i dag) har Tysnes J10, J11, J12 og J15 eit spanande treningsopplegg på gang.
Publisert 29.11.2018 kl. 11.11.

Då kjem Julie Lygren og Thea Stankiewicz – to talentfulle tertnesspelarar, til Tysneshallen for å trena med dei lokale handballspirne. Fyrstnemnde speler venstrekant og har scora mange mål for Tertnes så langt denne sesongen. Den andre jenta, Thea Stankiewicz, speler fast på Sverige sitt juniorlandslag.

Bakgrunnen for at dei to kjem til Tysnes er eit samarbeid mellom Lerøy og Tertnes, der Tertnes tilbyr tematrening for klubbar i november og desember.

I tillegg til trening med Tertnes-spelarane, blir det felles måltid med mat frå Lerøy, og høve til å få autografar og ta bilete. Tysnes-spelarane vil også få t-skjorte og billett til tertneskamp i Haukelandshallen.


Siste saker Gå til framsida

Tjelden kom rekordtidleg

Måndag denne veka melde Svein Ove Agdestein at han hadde sett tjelden for fyrste gong i år. Det er rekordtidleg.– Normalt plar tjelden koma 8. eller 9. mars. Eg har aldri før registrert ein tjeld så tidleg som 18. februar, fortel Svein Ove Agdestein.I over 30 år har han følgt med på når den fyrste tjelden har meldt sin ankomst på Siriskjeret, den ytterste tuppen på...