I FYR OG FLAMME: Benjamin Hagen, Hans Martin Hansen og Thor Eide heldt såvidt flammane gåande i ruskevêret. (Alle foto: Vetle Mikkelsen)
I FYR OG FLAMME: Benjamin Hagen, Hans Martin Hansen og Thor Eide heldt såvidt flammane gåande i ruskevêret. (Alle foto: Vetle Mikkelsen)

Fakkelgutar i striregnet: – Heilt passeleg vêr!

I dag fredag var det julegateopning i Lunde. Trass ruskevêret var det mange frammøtte.
Publisert 30.11.2018 kl. 20.01.

– Det beste er smågodtet! seier tre gutar unisont.

Benjamin Hagen, Hans Martin Hansen og Thor Eide står i sidelengs regnvêr, og prøver å halda fyr i faklane. Journalisten har akkuratt spurt kva det beste med julegateopninga er.

– Kva synest de om vêret, då?

Thor hiv ut ein brannfakkel som svar:

– Eg synest det er heilt passeleg vêr! ler han.

– Ja, det er fint, spøker Hans Martin vidare.


Koseleg opplegg

– Dette var koseleg, seier Tonje Øyjordsbakken.

I armane har ho dottera Helene på fire månadar, som er på julegateopning for første gong.

– Ja, du får litt julestemning av å vera her, seier venninna Sandra Lunde.

– Apropos, kva gjer de for å koma i julestemning?

– Høyrer på julemusikk, seier Sandra, og legg til at filmen «Love Actually» òg er ein slager i heimen.

– Og så har meg og dottera mi kjøpt «Grinchen», så den skal me sjå snart, seier ho vidare.


Musikk og godteri

Inne i lokala til Bunnpris Lunde møter «Tysnes» søskena Maria og Aleksander Skaaheim Lunde.

– Kvifor kjem de på julegateopning?

– Me vil høyra musikk og få godteri! seier Maria.

Aleksander seier seg einig med storesøstera.

Og flott musikk fekk dei. Tidlegare på kvelden spelte nemleg Tysnes skulekorps opp med festlege tonar.

Både Maria og Aleksander er på julegateopninga for andre året på rad.

– Kva er det beste med julegateopninga?

– Å få møta nissen, svarer Maria.

– Kvifor det då?

– Fordi då får me godteri, smiler Maria lurt.

– Det var litt dårleg vêr, då. Det kunne vore snø, meiner ho.



KOSELEG: Sandra Lunde og Tonje Øyjordsbakken likte opplegget.
KOSELEG: Sandra Lunde og Tonje Øyjordsbakken likte opplegget.
SØSKEN: Maria og Aleksander Skaaheim Lunde var fornøgde med å ha fått snop av nissen.
SØSKEN: Maria og Aleksander Skaaheim Lunde var fornøgde med å ha fått snop av nissen.
FLOTT MUSIKK: Tysnes skulekorps sørgde for god julestemning.
FLOTT MUSIKK: Tysnes skulekorps sørgde for god julestemning.
NISSEN: Barna sette stor pris på godteri frå sjølvaste nissefar.
NISSEN: Barna sette stor pris på godteri frå sjølvaste nissefar.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...