HANDBALLPROFF: Thea Stankiewicz gjekk nøye gjennom opplegget med jentene.
HANDBALLPROFF: Thea Stankiewicz gjekk nøye gjennom opplegget med jentene.

Elitespelarar skrytte av handballjentene

Torsdag vitja to Tertnes-spelarar Tysnes.
Publisert 30.11.2018 kl. 14.54. Oppdatert kl. 15.06.

– Me har hive oss på og fått to Tertnes-spelarar til å koma og ha ei trening, sa handballtrenar Terje Sløgedal til «Tysnes».

– Det er Lerøy og Tertnes som har eit tilbod til klubbar i Hordaland, der dei reiser rundt og har slike treningsdagar, heldt Sløgedal fram.

Derfor fekk tysnesjentene torsdag storfint besøk frå Tertnes-spelarane Julie Lygren og Thea Stankiewicz. For tida ligg handballklubben deira på ein fjerdeplass i eliteserien.


Trente på samspel

Dagen var stykka opp slik at J10 og J11 skulle trena først. Deretter var det felles mat og prat, før det var J12 og J15 sin tur til å trena med eliteseriespelarane.

Då «Tysnes» var innom, var det J10 og J11 som var i elden. Temaet for dagen var samspel, og Tertnes-spelarane la lista høgt.

Gjennom halvannan time med trening øvde handballjentene på å kasta ballen til kvarandre, i tillegg til at dei øvde på ulike strategiar for målskåring, med hovudfokus på samarbeid mellom spelarane.


Disiplinerte

– Dei har vore veldig flinke og disiplinerte. Dei ønskjer tydeleg å læra, sa Thea Stankiewicz.

Saman med kollega Julie Lygren reiser ho rundt og trener lokale handballungdomar.

– Det er eit tilbod i regi av Tertnes, der me har sånne «Lerøy-dagar». Då reiser me rundt i distrikta og har tematreningar, fortalde Lygren.


Fornøgde

– Det var gøy! sa Rikke Dalen Hagen, om tematreninga.

– Kvifor var det gøy?

– Fordi handball er gøy, svarte ho kontant, og legg til at gjestetrenarane var dyktige.

Også trenar Terje Sløgedal var godt fornøgd.

– Det var ei veldig kjekk øving, med godt opplegg. Me melde ifrå om at me ville ha øving på samspel, seier Sløgedal, som sjølv meinte at gjestetrenarane innfridde det ønsket.


ØVING: J11 og J12 fekk øvd seg på mangt og mykje.
ØVING: J11 og J12 fekk øvd seg på mangt og mykje.
REISER RUNDT: Saman med Tertnes-kollega Thea Stankeqicz, reiser Julie Lygren rundt og har tematreningar i distrikta.
REISER RUNDT: Saman med Tertnes-kollega Thea Stankeqicz, reiser Julie Lygren rundt og har tematreningar i distrikta.
GØY: Rikke Dalen Hagen (til høgre) var fornøgd med tematreninga.
GØY: Rikke Dalen Hagen (til høgre) var fornøgd med tematreninga.

Siste saker Gå til framsida

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...