LAGA EIGNE KRANSAR: Benjamin Hagen (11) år var blant dei yngste utstillarane.
LAGA EIGNE KRANSAR: Benjamin Hagen (11) år var blant dei yngste utstillarane.

Benjamin (11) var yngste utstillar på julemessa

Desember er offisielt i gang, og fleire bygder var denne helga med på å skapa julestemning ved å arrangera julemarknadar. Ei av desse bygdene var Lunde, som for åttande gong arrangerte julemesse i Lunde Barnehage.
Publisert 01.12.2018 kl. 20.34.

På messa var det mogleg å finna ulikt heimelaga stikk, nissar og anna handlaga, i tillegg til hudpleieprodukt og diverse. Heile 25 utstillarar var det mogleg å få med seg.

Dersom ein var svolten på noko godt var det òg mogleg å ta seg ein matbit ute i storastovo. Det er tydeleg at dette er et arrangement som blir satt pris på, og folk strøymde til heile dagen.


Fyrste gong

Inne på kjøkkenet fann ein både sal av varer og mat. Ein av dei som viste fram produkta sine var Wenche Holmestrand frå Os. Dette var hennar fyrste gong på messa, men ho har tidlegare vore med på andre messer.

– Eg har dekorert glas, kort og ulike gåveesker med sjokolade, seier Wenche.

Alt er heimelaga, og interessa hennar kom etter ho blei inspirert av eit kort ho såg i ein bursdag. No har ho halde på med dette i fire år.

– Det kjekkaste med messa må vera når ein får skryt over det ein har laga, eller møter andre interesserte, sa Wenche.


Ung utstillar

Blant dei yngste utstillarane fann ein Benjamin Hagen. Han er berre 11 år, og stilte på messa for fyrste gang. Her selde han kransar som han sjølv har laga.

– Eg måtte sitta oppe til klokka var tolv og stå opp klokka seks for å rekka å bli ferdig med den siste kransen, seier den ivrige guten.

Eigentleg var planen hans å laga bukettar, men då han ikkje fann nok kristtorn i skogen måtte han tenkja ut noko anna han kunne laga. Då var kransen eit godt alternativ.

– Salet har gått veldig bra, eg har berre ein krans igjen.

Pengane han tener skal gå til ny mobiltelefon, trur han.

– Det kjekkaste har vore å få skryt og å tena pengar, smiler Benjamin.


Godt nøgd

Ein av dei som hadde teke turen på messa for fyrste gong var Gabriel Abotnes, som kjem frå Fusa. Han tok turen saman med bestemora.

– Noko av det som eg likte spesielt godt her var alle dei heimelaga nissane, seier Gabriel, og legg til at kakene òg var svært gode.

Sjølv om det ikkje var snø ute, synest ikkje Gabriel dette gjorde noko,

– Det er adventskalenderen og all julepynten som får meg i julestemning! smiler den glade guten frå Fusa.


Viktig for det lokale

Arrangør Monica Utne var strålande nøgd med dagen. For ho er det viktig med slike messer for å ta vare på det lokale samfunnet.

– Eg trur at dei som kjem her i dag får ei positiv oppleving som dei tek med seg vidare, og som gjer at dei kan hugsa det sosiale fellesskapet til bygda.

Ho legg til at det har vore mykje arbeid i forkant, men at det har vore verdt det.

– Å sjå at menneske har det kjekt saman og får tid til å slappa av eller ta seg ein kopp kaffi saman, er noko av det kjekkaste med messa.



STOR MESSE: I år var lokalet utvida frå gymsalen til både gymsalen og storastova, med heile 25 utstillarar.
STOR MESSE: I år var lokalet utvida frå gymsalen til både gymsalen og storastova, med heile 25 utstillarar.
SAL AV BAKST: For dei besøkande var det mogleg å få seg noko å tygga i på messa.
SAL AV BAKST: For dei besøkande var det mogleg å få seg noko å tygga i på messa.
KAFFI OG PRAT: Rundt borda kunne ein hyggja seg med ein kopp kaffi og slå av ein prat.
KAFFI OG PRAT: Rundt borda kunne ein hyggja seg med ein kopp kaffi og slå av ein prat.
NY PÅ MESSA: Wenche Holmestrand var ei av dei nye utstillarane på messa.
NY PÅ MESSA: Wenche Holmestrand var ei av dei nye utstillarane på messa.
SKRYTER OVER MESSA: Gabriel Abotnes (12) synes det var gode utval på messa.
SKRYTER OVER MESSA: Gabriel Abotnes (12) synes det var gode utval på messa.
PYNTA TIL MESSE: Utanfor messa var det pynta med skilt og lys.
PYNTA TIL MESSE: Utanfor messa var det pynta med skilt og lys.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...