MØTTE NISSEN: – Eg klarer ikkje å smila på bilete, sa Lukas Christensen (6). Ved sida av han er søskenbarna Lilja Sofie Teigland (6) og Linnéa Emilie Frøyseth (8). (Alle foto: Vetle Mikkelsen)
MØTTE NISSEN: – Eg klarer ikkje å smila på bilete, sa Lukas Christensen (6). Ved sida av han er søskenbarna Lilja Sofie Teigland (6) og Linnéa Emilie Frøyseth (8). (Alle foto: Vetle Mikkelsen)

Desse tre fekk helsa på sjølvaste julenissen

Julegateopninga i Våge tiltrekte seg folk i alle aldrar.
Publisert 01.12.2018 kl. 18.51. Oppdatert kl. 19.52.

– Me sprang om kapp med nissen! gliste Linnéa Emilie Frøyseth (8).

«Tysnes» møtte ho og søskenbarna Lilja Sofie Teigland (6) og Lukas Christensen (6) kort tid etter nisseløpet, der barna fekk sjansen til å springa om kapp med nissen.

– Ja, me fekk helsa på nissen, sa Lilja Sofie entusiastisk.

På spørsmål om dei gler seg til jul, svarte dei tre søskenbarna eit unisont «Ja!».

Dei kunne avsløra at dei allereie har bakt julekaker med farmor, så juleførebuingane var godt i gang.

– Kva er det beste med jula, då?

– Presangane, sa Linnéa, med eit lurt smil om munnen.


Variert program

Tysnes skulekorps bidrog med flott julemusikk, som folk i alle aldrar kunne nyta.

For dei små, blei det som nemnt arrangert nisseløp.

Deretter delte julenissen ut snop til ungane.

Arrangementet blei avslutta med skumringsmarsj til Tysnes bedehus, og fyrverkeri.


Elskar jul

Utanfor lokala til Ivyelly møtte «Tysnes» eit knippe ungdomsskuleelevar.

– Me har spelt musikk, sa Rhine Storetvedt.

– Eller, me tre har iallfall det, utdjupa ho, og peikte på venninnene Marte Stien og Tiril Sundal.

Dei tre speler nemleg i Tysnes skulekorps, som tidlegare på kvelden framførte julesongar for publikum.

– Me høyrde berre på. Eg syntest det var bra, og eg likte det veldig godt, sa Benjamin Heimlie.

– Kva synest de opplegget?

– Eg elskar jo jul, så eg synest det er bra, smilte Marte.


KAPPLØP: Nissefar og ungane sprang om kapp.
KAPPLØP: Nissefar og ungane sprang om kapp.
KAMEATAR: Rhine Storetvedt, Benjamin Heimlie, Simen Lid, Marte Stien og Tiril Sundal var blant dei frammøtte.
KAMEATAR: Rhine Storetvedt, Benjamin Heimlie, Simen Lid, Marte Stien og Tiril Sundal var blant dei frammøtte.
KAKER: I år var det òg sjanse til å koma inn og ta ein kikk på den nye peparkakebyen.
KAKER: I år var det òg sjanse til å koma inn og ta ein kikk på den nye peparkakebyen.

Siste saker Gå til framsida

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...