DANS: Cathrine Kjøndal (f.v.), Malin Dalland, Rhine Storetvedt og Anette Christensen øver på koreografien til det som ligg an til å bli ein lystig og underhaldande dans. (Begge foto: Camilla Korsnes)
DANS: Cathrine Kjøndal (f.v.), Malin Dalland, Rhine Storetvedt og Anette Christensen øver på koreografien til det som ligg an til å bli ein lystig og underhaldande dans. (Begge foto: Camilla Korsnes)

Skal dansa, synga og vitsa Tysnes inn i julestemninga

Fredag 14. og laurdag 15. desember inviterer 10. klasse ved Tysnes skule til juleshow. Elevane lover eit variert program.
Publisert 01.12.2018 kl. 15.00.

– Det som er viktig no er at tysnesingane får vita at det blir eit juleshow, seier Arne Kleppe smilande, før han bestemt guidar journalisten og fotografen mot nokre elevar som skal få seia litt meir.

I år blir juleshowet den 14. og 15. desember, ein fredag og ein laurdag. Dette er for at tida skal passa for dei som har ansvar for lyd og lys.


Mykje jobb

– Det har vore mykje arbeid over kort tid, seier Jannike Espevik.

Ho legg til at sjølv om dei byrja førebuingane den første veka dei var tilbake på skulen, er det først no nyleg at arbeidet har tatt skikkeleg av.

– Det har vore mange kreative idéar, smiler Jannike.

– Det blir skodespel, litt song og dans, videoar og sketsjar. Det har vore lett å få folk til å stilla opp, legg Rhine Storetvedt til.

Det har vore mykje arbeid og mange nye idéar den siste tida, så ingen av dei to klassevenninnene har heilt styring på kor mykje dei er med på.

– Eg er med på litt av kvart. Me seier ja til mykje, men det er ikkje alt det blir noko av, seier Jannike.

– Eg har ikkje oversikt, seier Rhine.

– Eg trur at det vil vera ei god oppleving, sier Jannike, og nemner blant anna det store aldersspennet blant publikum.


Førebuingar

Etter praten går jentene kvar til sitt, for å øva på ulike ting. Journalisten og fotografen blir med Rhine bort til eit knippe jenter som øver på ein dans.

Koreografien er riktignok ikkje heilt spikra endå, men jentene har tydeleg øvd på den ei stund.

Lengre bak i gymsalen sit Gaute Eide Bergstø med venninnene Christina Malkenes Korsnes og Elisabeth Helgesen og ser på ein PC.

– Eg har laga video, og så er eg med i to sketsjar. I tillegg skal eg kanskje ha standup. Eg er ganske travel, ler Gaute.


DISKUTERER INNSLAG: Gaute Eide Bergstø viser fram ein ide for Christina Malkenes Korsnes (midten) og Elisabeth Helgesen.
DISKUTERER INNSLAG: Gaute Eide Bergstø viser fram ein ide for Christina Malkenes Korsnes (midten) og Elisabeth Helgesen.

Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.