OPPDRETTSLAKS PÅ RØMMEN: Laksen som har rømt frå Tveitnes i Kvam har ei snittvekt på 3,1 kilo. (Illustrasjonsfoto)
OPPDRETTSLAKS PÅ RØMMEN: Laksen som har rømt frå Tveitnes i Kvam har ei snittvekt på 3,1 kilo. (Illustrasjonsfoto)

Lakserømming i Hardanger

Oppdrettslaks frå Lingalaks sin lokalitet Tveitnes ved ytre Ålvik er på rømmen. Det melder Fiskeridirektoratet i ei pressemelding.
Publisert 02.12.2018 kl. 18.47. Oppdatert kl. 18.50.

Rømminga skjedde torsdag ettermiddag.

– Det kom ei rift i ei not då eit notlodd vart senka ned. Skaden vart straks oppdaga, loddet heva og holet sikra, melder Fiskeridirektoratet.

Laksefirmaet sette i gang gjenfangst av rømt fisk i samråd med styresmaktene. Ein del oppdrettslaks vart fanga med garn fredag, laurdag vart det teke 30 oppdrettslaks med garn.Fisken i merden har ei snittvekt på ca 3,1 kg, men kan variera i storleik frå to til fire kilo. Fisken er ikkje behandla med medikament, og har ingen sjukdom.

Det var truleg ein sjakkel som laga rifta i nota. Storleiken på rifta er på 1,5 x 2,5 meter.– Ein reknar med det er eit begrensa tal fisk som har kome seg ut. Lingalaks beklagar hendinga, heiter det i pressemeldinga.


Siste saker Gå til framsida

Stengjer vatnet

Tysnes kommune vil stengja vatnet i korte periodar for abonnentar i Våge.Dette blir i første omgang i dag, tysdag og i morgon, onsdag, i tidsrommet 8 til 15.30, og mellom klokka 18 og 22.– I utgangspunktet vil det bli stengd i éin til to timar, men det er vanskeleg å seia nøyaktig, fordi me leitar etter ein lekkasje, seier avdelingsleiar Charles Lunde.Abonnentar det gjeld,...

Debatt: Prioriteringar, Nasjonal transportplan 2022–2033

Ope brev til dei politiske partia i Stord og Tysnes: Samferdsel, bladet til Transportøko-nomisk institutt, refererte 24.01.20 påtroppande samferdselsminister Hareide i det han overtok ansvaret etter Jon Georg Dale. Hareide gjorde det då klårt at verda står i ei klimakrise, og at arbeidet med den blir hovudoppgåva hans. Vidare lista Hareide opp trafikksikring og dernest infrastruktur som...